(أحدن يموت ولا يلحق حسايف // وأحدن يموت ومعه ينكسن الاعلام )
 

السلام عليكم ورحمة الله وبركاته ...


( أنا لله وأنا إليه راجعون )


أحدن يموت ولا يلحق حسايف
وأحدن يموت ومعه ينكسن الأعلام

تقول مع موته تزول النوايف
وتقول مع موته يموتن الأحلام

فرقاه سهمن في الضلوع النحايف
والحزن ماتمحاه دورات الأيام

هذا شعوري بعد ما مات نايف
والدمع سال ومعه سالنّ الأقلام

نايف وفعله خلدّ الفعل نايف
له من نصيب إسمه ونبصم بالإبهام

للحق احدّ من السيوف الرهايف
وللخير أحنّ من الهواء عبر الأنسام

تبكيه عين اللي من الوقت عايف
وعقبه من اللي يشعل شموع الأيتام

مرحوم يا ممّن من الجور خايف
ياللي فنيت العمر في نصر الأسلام

واللي تغنوا بعد موتك ضعايف
قصورهم تبنى على جال الاوهام

ماهم لنا والله حزام و ولايف
في قلوبهم حقدن مورّث من اعوام

ولاصار يبغون الفشق والنكايف
الرجل منا قال للساق قدام

اعمارنا لو كان راحت حتايف
من دون نصر الدين للموت سوام


( اللهم تغمده برحمتك وأنزله منازل الصالحين )

رحمه الله واسكنه فسيح جناته

اللهم امين

مناحي

شكرا لتواجدك

صح لسااانك مليوون يابو مستور وافيه من وافــــي

ورحم الله الفقيد وأسكنه فسيح جناته.

الله الله الله


شاعرنا القدير /سلمان المقاطي

نفتخر بصدق مشاعرك ونفتخر بشخصك ونفتخر بشاعريتك

المنفرده دائما بالسهل الممتنع الذي لايجيده الا انت..

ورحم الله ولي العهد نايف واسكنه فسيح جناته


تحيتي وتقديري

..

.

كبير يابو نايف
الله يرحمه وصح. لسانك