مافيه مشوارٍ ماندفع غرامه !!
طرت وجرت :)
عيّنت شمطان اللحى والطحاطيح ::.. فريسنا اللي يحتمون الجهامه !! كسابة النوماس مع هبة الريح ::.. نفخر بهم منه ليوم القيامه !! تاريخهم منور سواة المصابيح ::. اهل الشداد اللي ماترضى المسامه !! على الوفا والطيب فـ صدورهم فيح ::. يجلون عن وجه الدخيل الملامه !! مارق واخو هملا ولا انسى شليويح ::.. ومسلط وتركي هم شيوخ الزعامه!! وعفاس وصنيدح بعيد المشاويح ::.. وشبيب ابن حجنه مايرخي حزامه !! ياكثرهم من غير حصرٍ وتوضيح ::.. من لاذكرته وش نقص من مقامه !! ا فعولهم على كبود العدا قيح ::.. وتاريخهم يفرض عليك احترامه !! في عهدهم ماينبحون النوابيح ::.. والصقر ما اصبح صيدةٍ للحمامه !! ولاياخذون لبنية البيت تصريح ::.. عاشوا عزاز وموتهم بالكرامه !! راحوا مراويح النجوم المدابيح ::.. الموت سنه والزمن له نظامه !! واللي بعدهم شوخ لكن مصاليح ::.. كلن على قرصه يخاف ويدامه !! وكم شيخ فيهم سمعته كنها الشيح::. على القبيله ماذخر في اهتمامه !! والاغلبيه ودها تقوم وتطيـــــح ::. والختم ماهو جيب.. بشت .وعمامه !! الله يعين اهل القلوب المجاريح ::.. في نجد ولا في الحجاز وتهامه !! صرنا طعامٍ في حلوق التماسيح ::.. مافيه مشوارٍ ماندفع غرامه !! بالدين ..نضرب الشحم والمفاطيح ::.. ونقابل اظروف الدهر با بتسامه !! ترى اغلب شيوخ الزمن ذا مشافيح ::.. ماهو جهل في الطيب ..لكن رخامه !! |
مارق واخو هملا ولا انسى شليويح ::..
ومسلط وتركي هم شيوخ الزعامه!! وعفاس وصنيدح بعيد المشاويح ::.. وشبيب ابن حجنه مايرخي حزامه !! ياكثرهم من غير حصرٍ وتوضيح ::.. من لاذكرته وش نقص من مقامه !! صح السانك وسلم بنانك كل الجزيره فاقدتهم وانا اخوك تحياتي |
صح لسانك ياخالي مليون
صدقت والله العضيم وش تبيهم يسوون ياابو عايض مد رجلك على قد لحافك اكثر هاالشيوخ يرد من مدير المكتب الله يرحم اللي مايرد كلامة لااملك الا ان اقول بيضالله وجهك وجمل الله حالك تقبل تحياتي |
يهييييييب يالمجرررم ..
ابدعت يابوعايض في هالقصيده بدرجة امتياز ! .. تقول : بالدين نضرب في الشحم والمفاطيح أنت نسيت ال ( في ) صح ؟ هاصح لسانك ملايين :) وتقبل سلامي اخوكم |
ياسلام سلم صح لسانك صح لسانك قصيده قويه ومعناها قوي وجزله من شاعر جزل مبدع مبدع لاهنت |
كسابة النوماس مع هبة الريح ::..
نفخر بهم منه ليوم القيامه !! راحوا مراويح النجوم المدابيح ::.. الموت سنه والزمن له نظامه !! الله يعين اهل القلوب المجاريح ::.. في نجد ولا في الحجاز وتهامه !! الله يصح لسانك شاعرنا نص كله جزل ويناطح السحاب,معاني وأبدااع واختياري لبعض الابيات عن حاجه في نفسي تقديري لك,’’ |
صح . لسسسسسسانك
|
صح السانك ياغلاب كتبت وابدعت بارك الله فيك
|
|
| جميع الأوقات بتوقيت GMT +3. الساعة الآن 04:03 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية