صلى الله وسلم على نبينا محمد
السلام عليكم كلكم تعرفون وقريتوا الخبر عن الفلم
الامريكي الصهيوني المسي للرسول محمد صلى الله عليه وسلم والدول الاسلاميه كالعاده تستنكر وانا هنا استنكر واعتذر من سيد الامه صلى الله عليه وسلم صلى الله وسلم الهادي امام المرسلـــــين = اطهر بشر واشرف بشر واصدق بشــــــــــــر ياسيد الثقلين عذراً والعذر مدري منــــــين = ...والله ما نملك عذر مهما نقدم من عـــــــــــذر ياسيدي حنا انخذلنا من صفوف الاقربيـــــن = اللي تعذر بالدها حق السياسه والمـــــــــكر امتك غير اللي معك في معركة بدر وحـنين= الاسم يجمعهم لكن الفرق واضح للنظــــــر الراشدين الاربعه ماجاء بعدهم راشـــــدين = الله ياعصر الفخر ياعصر ابوبكر وعمــــــــــــر وعثمان ثلاثهم ورابعهم علي ابوالحســــين = اللي على الاعداء لهم سطوه وفعلً معــــــتبر واليوم صرنا كثر لاكنا شتات مفرقيـــــــن = يعني عصانا صار فيها حول خمس امية شـــقر كم انجرحنا فيك بالسنت النذول الحاقـــدين = وكم طال عرضك من سهوم اهل التمادي والغدر نزعل على شانك ونرفع صوتنا مستنكرين = وعروقنا تبا تفجر من مضخات القـــــــــــــهر نردد الصوت الجهوري كل وقت وكل حين = ما ينوجد من يسمعه في بر والا في بـــحر كن الاذان مسكره من طين مدري من عجين = وان اخذلونا اهل الامر لله نشكي هالامــــــــر مير اسمعوها واعقلوها ياولات المسلمـــــين = هذا الصحيح المعتبر زبدة كلاماً مخـــــتصر اما وقفتوا صف واحد في وجيه المعتديــــن = واعلنتوا جهادً يكلل بالغنايم والنـــــــــــــصر والا بقيتوا هكذا طول الزمن مستضعفيـــــن = والله يعلم وش يصير حسابكم يوم الحشــــــر |
الرائع عثمان الثبيتي صح لسانك مدد مبدع .. شامخ لاهنت .. |
ياسيدي حنا انخذلنا من صفوف الاقربيـــــن =
اللي تعذر بالدها حق السياسه والمـــــــــكر امتك غير اللي معك في معركة بدر وحـنين= الاسم يجمعهم لكن الفرق واضح للنظــــــر الراشدين الاربعه ماجاء بعدهم راشـــــدين = الله ياعصر الفخر ياعصر ابوبكر وعمــــــــــــر صدقت مير اسمعوها واعقلوها ياولات المسلمـــــين = هذا الصحيح المعتبر زبدة كلاماً مخـــــتصر اما وقفتوا صف واحد في وجيه المعتديــــن = واعلنتوا جهادً يكلل بالغنايم والنـــــــــــــصر والا بقيتوا هكذا طول الزمن مستضعفيـــــن = والله يعلم وش يصير حسابكم يوم الحشــــــر ثورة شاعر غيور على رسوله ودينه وامته صح السانك تحياتي لك |
لسانك ماينلجم ويمينك ماتنشل وجعلها الله في موازين حسناتك دمت كما تحب |
اقتباس:
|
اللهم صل وسلم على سيدنا محمد
امتك غير اللي معك في معركة بدر وحـنين= الاسم يجمعهم لكن الفرق واضح للنظــــــر === صح قلبك ولا هنت |
اللهم صلي وسلم وبارك وأنعم على سيدنا وحبيبنا محمد
الشاعر المبدع والرائع دائماً عبرت بلسان كل مسلم غيور على دينه ونبيه هنا الشعر الشعبي يظهر فصيحاً وبليغاً وهنا موهبة شاعر لايخشى في الله لومة لائم عذراً عذراً عذراً يارسول الله لاحول لنا ولا قوة إلا بالله نشكوا ضعفنا إليه نمد إليه أكف الضراعه أن ينصر دينه ويعلي كلمته شاعرنا صح لسانك وجعلها الله في موازين حسناتك تحيه لسمو الشعر |
| جميع الأوقات بتوقيت GMT +3. الساعة الآن 08:39 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية