منتديات المرقاب الأدبية - من شاور الجاهل يبي ذبة الريع

السلام عليكم ورحمة الله وبركاته
كل عام وانتم بخير وصحة وسلامة وتقبل الله منا ومنكم صالح الأعمال
بعد طول الغياب

ابيات قديمة وسبق ان نشرتها في احدى المنتديات

امل ان تحوز على رضاكم واستحسانكم
واسمحولي لي على التنسيق ماضبط معي

بانت حيل ذيك النفوس الطماميع/عزي لحال الي من سنين مخدوع

وجمايل" سيقت من العام وتضيع/ماكنها الا واجب" صار مشروع

والطيب الي صاح يبغا المفـازيع/اقصاه طيب النفس غصب" بلا طوع

يبغا الرفيق الي يشجعه تشجــيع/الي وقوفه معه يسواله جموع

ولا لقى الي هقوته بالمطاليـــع/كل" يقول الصوت ماهوب مسموع

كل عام نبغا حل بعض المواضـيع/وترووح الايام ما حل موضوع

حلم" يراودنا نسوي مشــــاريع/ولا رسى من حلم الاجواد مشروع

اما عذار" شيكت بالتواقـــــيع/والا انسحابات" من اسبوع لا اسبوع

من دون تخصيص" ومن دون تنويع/ومن العرب وافي وياقل ذالنوع

جمعة رجال" همها فالمقاديــــع/تاكل تمر وتلحق التمر قرطوع

اتجمع اكبار السواليف تجمــــيع/ولاحصل من ناتج الفعل مجموع

مابين مرجوج" ومابين لكـــــيع /وخبل" هوا نفسه معا كل ممنوع

ومن شاور الجاهل يبي ذبة الريـع/عود وفق نفسه مثل حبة الكوع