منتديات المرقاب الأدبية

[poem=font="Courier New,7,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

العيون السود مع همس الشفايا= وإنسكاب التوت الأحمر من لغتها !
تجعل العقل الرزين بلا خلايا = تملكه ملك الذراع لـبنجرتــها !
الثلاث اللي مضن سون سوايا = في حنايا الجوف بالوسم وسمتها!
سلهمت لي وأنهمر قلبي هدايا = من فياض الروح شوق وعانقتها !
فتنةٍ تربك بضحكتها الصبايا = ساسها الطيب مزود من ثقتها !
بنت شيخ عادته قود السرايا = انظمت قلبي بعقدٍ فرقـــبتها!!
كل ماقامت تمرا بالمرايا = زاد طيش المترفة ومشاغبتــــها !
في سواد عيونها قوم وسبايا = بالرماح اللي ترجح معركتها !
اقتسمنا وأخذت جزال العطايا = المشاعر والعيون وماحــوتها !
وصار قسمي من محبتها الرزايا= والهموم اللي على روحي رمتها!
بركت بي في محبتها المطايا= كل ليل اسجها واتبع جهــــتها!
طالت دروب السهر وأمسن ونايا = والمناوي عيبها قل بركــتها !

[/poem]