بعض البشر منه السلامة غنيمة
 

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بعض البشر من السلامة غنيمة = تبدي لك الايام طبع الردا فيه
بلغ سلامي للنفوس السليمـة = بيض النوايا ماتجيها المشاريه
اللي على النوماس فيها عزيمة= كل أبلج بالطيب يبني مبانيه
ماهو مضريها بذب الخريمة = حزام تحزم به وسيف تحــــزيه
من ساس جدانه وراعي قديمة = تلقى ملامح نعرته في بناخيه
والا ضعيف الرأي رايه يضيمه= يثر على حيله ويقصر مشاحيه
قرابته تكره وعرفه ظليمه= وأن جات للهقوة ضعاف هقاويه
تلقى مدايح سيرته مع حريمه = والا مع أهل الصيت مابان طاريه
مراجله لاشاف ضول الوليمة = لولاالحياء شال اللحم في مخابيه
يثري دواوين الرداء بالنميمة = هرج القفا من شين حظه يسليه
والانظيف القلب فقده ثليمه = يونس وجعها فااليالي مخاويه
اللي يمد لك الوفاء من صميمه= ووجهه من التقصير مافيه تشويه
طيب السجايا فيه شيمه وقيمه= وعن مخطيات القول مبعد خطاويه
ماخاض بلسانه بعرض الحشيمة = من طيب تربيته وعود مربيه
ماهام بالسمعة مع المستهيمة = من روضة المسجد لعلم ينشميه
اللي على ذكره بدعت الوسيمه = أبدع لحنها في مجاله وأغنيه


[/poem]

اللـي يمـد لــك الـوفـاء مــن صميـمـه
ووجهـه مـن التقصيـر مافيـه تشويـه


الله يكثر من أهل الخصال الحميدة


صح لساااانك يا سمران



تقاديري

صح لسانك ي سمران ..

قصيده وافيه من وفاك :)


تقبل الاعجاب والتحيه

الله على سج القدم صبح وعصير
 

صح لسانك
قصيده شامخه

وجزله من شاعر جزل

لك احترامي