محابيس الهجوس
السلام عليكم ورحمة الله وبركاته قصيده خفيفه للمشاركه دق صدري محابيس الهجوس كن في داخله ساحة قتال ----- وابتدا القاف بحروفه يهوس هوس برق ٍ تنوّض بالخيال ----- قام يكتب على بيض الطروس يبدع الطرق بحروف ٍ جزال ----- بعد وضع ٍ مجرب ومحسوس في زمان القطاعه والوصال ----- آحد ٍ ماعرف حزن وعبوس وآحدٍ فيه هم وضيق بال ----- وراحت البال تشرى بالفلوس لاجلها يرخص اجنيه و ريـال ----- والله اللي عليم ٍ بالنفوس عارف ٍ سرها في كل حال ----- كل عبد ٍ بـ هالدنيا عسوس يحسب ٍ ودّها هو راس مال ----- والحقيقه مثل شمس الشموس دنيةٍ فانيه مامن جدال ----- سمّها يندفن بين الضروس لو تباهت بحسنات الجمال ----- ننصحك دام لك قلب ٍ حسوس تخدعك وانتبه يابن الحلال ----- عزّ نفسك ترى الدنيا تدوس فوق رجل ٍ ذليل وشين فال ----- واعبد الرب بـ قيام وجلوس الله اللي عليه الاتكال ----- واترك النم وادروب النجوس لاتسنوى بعلم ٍ مايقال ----- واحفظ النفس والبسها لبوس من ثياب التقى والاعتدال ------ والزمن يعطي العاقل دروس والمعرفه تفوز ابها الرجال محمد مرزوق السميري |
..............
|
صح لسانك يابومرزوق على هذه الأبيات الجميله والقيمه بما فيها من حكم وعبر
تقبل مروري وتقديري أخي الغالي |
اقتباس:
صح بدنك مشكور على الرد والحضور الرائع لاهنت |
ابو مرزوق
اسعد الله جميع اوقاتك بكل خير وراحت البال تشرى بالفلوس لاجلها يرخص اجنيه و ريـال لو كنت انا قايلها يا ابو مرزوق عدتها مرتين لمناسبتين دمت بخير تقبل مروري |
عليكم السلام ورحمة الله
واحفظ النفس والبسها لبوس من ثياب التقى والاعتدال ------ والزمن يعطي العاقل دروس والمعرفه تفوز ابها الرجال صح لسانك شاعرنا ولاهنت على هـ الفااخرهـ تقديري,’’ |
اقتباس:
اقتباس:
صح بدنك الشكر لك يامشعل على هذا الاطراء الرائع منك لاهنت |
يا سلالالالام يابو مرزوق
صح قلببببببببببك وكلك :wardah: |
اقتباس:
اقتباس:
صح بدنك شكرا على المرور الكريم والرد العذب لاهنت |
| جميع الأوقات بتوقيت GMT +3. الساعة الآن 01:59 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية