عقب البراقع جا زمان البناطيل؟؟!!
السلام عليكم
وش حالكم ياهل المرقاب خابرين اللي يدخل يسلم بتسليمه لكن تسليمتي اذكرو الله وخذو الجديد يالله ياعالم خفايا المقابيل ********** ياعالم بالشي من قبل لايبان تعين من دمعات عينه هماليل *************يمسي ويصبح بين دمعات واحزان من بعدها من غير زيف وتمثيل **************بشرح لكم ما صار من دون خفيان مريت انا بالمنتدى تالي الليل ************واطربني اللي شفت من نظم قيفان معانين تطرب قروم الرجاجيل *************وان سمعها الفولاذ والا الحجر لان يا الاجودي وقتك زمان التهاويل **************الكلب شابع فيه والذيب جيعان عقب السيوف تشوف حرب المناديل *************** انشهد ان ذا الوقت بالحيل دمران وعقب البراقع جا زمان البناطيل *************وين العذارى الاوله يا كحيلان وش ترتجي والحب شلة مهابيل **************خالد مع ساره وليلى لسلمان اقولها وانا حياتي غرابيل ***********ذقت العزاير كلها اشكال والوان بلاوين ياصاحبي تهدم الحيل ************ في شلها يا عزوتي تعبت امتان اذا عذابك بو رموش مكاحيل *********** فانا لفنجال اشقر البن خرمان واذا عذابك بو عيون مضاليل ************* فانا عذابي تعرفه زين يافلان مافيه داعي نشرح بكل تفصيل ************* اخاف لندم والسبب زلة لسان فان صاحبي ماردلي بالمراسيل *************فلاني على شوفه اذا غاب ولهان وكانه سمع لهروج ناس عواذيل ************** يسري وانا بسري ولاني بشفقان قد قالها راعي الحكم والتماثيل ************* ( اضرب على الكايد اذا صرت بلشان) |
اضرب على الكايد اليا صرت بلشان
اخوي ناصر وعليك السلام ... اطلاله جميله مريت انا بالمنتدى تالي الليل ************واطربني اللي شفت من نظم قيفان معانين تطرب قروم الرجاجيل *************وان سمعها الفولاذ والا الحجر لان صح لسانك مليون مره .......... عقب السيوف تشوف حرب المناديل *************** انشهد ان ذا الوقت بالحيل دمران الدنيا دوااااااااااااااااااااااااااره تقبل اعجاااااابي |
ناصر الاحمري
صح لسانك وياهلا ويامرحبا فيك نيابه عن اهل المحل اخوك السيف |
صح لسانك والوقت ماانت باول ضحاياه افنى اللي قبلنا وحنا على دربهم.
اما التغير عزالله انه دمار عالم مولية خكاريه ومائلات مميلات والله يكفينا شر تالي وقتنا. لك تحياتي ولكل شريف غيور على دينه ومحافظ على عوائده وتقاليده |
الشاعرالرائع / ناصر الاحمري :
قصيدة معبرة ولافيها كلام صح لسانك مليووووووووووووون مرة تقبل أرق تحياتي . |
ناصر الاحمري"
عقب السيوف تشوف حرب المناديل *************** انشهد ان ذا الوقت بالحيل دمران وعقب البراقع جا زمان البناطيل *************وين العذارى الاوله يا كحيلان ابداع في هذين البيتين .. " يجمع العنصرين ويبرهن ان الحال قد تغير ... " ولاكن الثانيه انا اشوف مافيها شي ياخي مع التطور ...;) ;) ;) صح لسانك ولاهنت يابعدي تحيااتي واعجابي نااايف بن عيفاااان |
الاخ ناصر الاحمري
طابت اوقاتك حقيقة هذا هو الواقع ولكن ماذا نقول الا عسى الله يلطف بنا وحقيقة تعجز الحروف لترد على القصيدة وليس لدي ماقول الا صح لسانك صح لسانك صح لسانك صح لسانك صح لسانك صح لسانك صح لسانك صح لسانك تسلم ياغالي وتمتعنا بروائعك |
الاخ ناصر الروقي
ارحب ارحب طاب بدنك ولاهنت شرفتني واعليت مقداري بمرورك المتواضع على الابيات اخوك الأحمري |
البقا البقا
تسلم وتبقى يالسيف ولاهنت والمحل عامر بهله تحياتي الأحمري |
ارحب يا فارس ارحب
طاب بدنك ولاهنت مرورك على الابيات شرف لي تحياتي ناصر الأحمري |
فراج الكرشمي
هلا وغلا طاب بدنك ولا هنت واشكر لك المتابعه تحياتي الأحمري |
استاذي
ناايف بن عيفاان ارحب يابن عيفان ارحب تراحيب الحيا مرورك على القصيده نوط شرف للقصيده ولي وكلك نظر يابو عيفان لاهنت ولاشنت تلميذك / ناصرالأحمري |
ارحب يامحمد
والله يكفينا ويكفيك ويكفي كل واحد يخاف الله ويتقيه شر ذا الوقت لاهنت يا سنايدي على مرورك ومتابعتك اخوك ناصر الأحمري |
رساله
صح لسانك ياناصرالاحمري--------------
---------------- والله انك -------- صادق في كل ماقلته |
أخوي ناصر الأحمري
لا نقول لك صح لسانك ولكن شكراً لك . هذه الغيره تنم عن رجل بكل المعنى داخل ناصر الأحمري . لك الحب على هذا التميز تقبل تحياتي ,,,,,,, أخوك / عبدالله مرّان (1)http://vb.almergab.net/showthread.php?s=&threadid=351 (2) http://vb.almergab.net/showthread.php?s=&threadid=724 |
| جميع الأوقات بتوقيت GMT +3. الساعة الآن 09:02 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية