بعض الهقاوي
 

والله ان بعض الهقاوي تخالفني الظنون
في بعض ناس لهم عندنا. قدر كبير
الحياة دروس مهما تطول بك السنون
لا تحسب انك بتدرك رضى الجمع الغفير
يالله اللي خالق الكون عالم ما يكون
بيدك قلوب البشر كلهم شيخ وصغير
عالم المكنون فيها من احساس وشجون
ما بتخفى عنك وانت السميع انت البصير
سمّح دروب النوايا السليمة لا نهون
في عيون أهل التقى والطريق المستنير
عذت بك يا عالم الغيب من ريب المنون
في الحياة الدنيوية وفي اليوم العسير
الهجوس تروح وتجي وانا قلبي حنون
ادفع السية بالإحسان وأصفح عن كثير
ما يوالمني المشاحن وغضبات العيون
اطلق حجاجي مع الناس لو قلبي كسير
واحتسب واصبر وعند الله اجر الصابرون
في نهار يبحث الناس عن فعّال خير

لا هنت اخوي مشعل وانت بخير وصحة وسعادة
صح بدنك يامال السلامة .