إنس اني انساك
 

السلام عليكم

وكل عام وانتم بخير

مصافحه لتجديد العهد


نسيت تنساني وانا أنس اني انساك
من لا نســاني بالوفـا مـا نســيته
اذكرك ، تذكرني ،،، على ذكر ذكراك
تأقف حروفي عندهـا مســتميته
القـاك تلقـاني متى كيـف لقياك
طيفك هو اللي بس جاني وجيته
كم لي على حــد الخيال اتحــراك
وكم حدني عنك العذول وعصيته
ولا زلت اسلي خاطري واتمناك
ياللي شــبيهك بالبشــر مالقيته
كن القمر مستنسخً من محياك
راع الهـوا غنا عليـه اوبـريتــه
لولاك ما كنت اعرف الحب لولاك
حبٍ بنـا من بين الأقواس بيتـه
ما شــاركك بالــود لا ذا ولا ذاك
كل الفؤاد من الوداد احتويتــه
أصلاً قبل لا تطلبــه قلت لك هــاك
واصلاً قبل لا اعطيك منت وخذيته
تعال أشد بكف يمناي يمناك
خل العذول يقول ليته وليته

هلال عوض المطيري