الليل يامطر. مباشره ولا بلاش
مرحبا بالعميل اللي من العام غائب
......................غيبته هجر ولا منشغل من زمانه انت توك شباب وكيف لا صرت شايب .....................يامطر جاوبوني يامطر بالامانه |
البقا بالعميل اللي يباها طلايب
.......................ماتركني بشاني وانشغل هو بشانه يالوذيناني الدنيا تراها غلايب .......................نجتهد مير والله ماعليها ضمانه |
انت تبغى تولعها وتغدي شبايب
....................... كم نصحتك لكنك ماتكب اللعانه ا ا نتبه يالمسمى من لعين الصلايب .................. لا يغرك ويفتحلك دروج الخزانه |
ابتلشنا مابين اصحابنا والقرايب
.........................وانته المتهم حتى تبين الادانه من توكل على الرحمن ماهوب خايب .........................احمد الله عن الشيطان عندى حصانه |
اترك الظن والوسواس راس العقايب
........................لا تظنون كثر الظن ظلم وخيانه يامطر كل ماهبت عليك الهبايب ......................... قمت تومي معاها كنك الخيزرانه |
صدق لو كل راي نسمعه كان صايب
..........................كان ماصار لاصحاب المكانه مكانه انت تبغى الطماعه ماعرفت السبايب ..........................تالي الوقت ياسرحان مانتب تكانه |
عيش فالوقت وتشوف الفكر والعجايب
....................... صارت الناس تعلجها سوات اللبانه راح كسب الطمايع يوم عوص النجايب ................... انت في عصر يادانه ويا لا لا دانه |
الله انه يجنبنا شرور المصايب
........................ذنب الانسان ياسرحان عثرة لسانه مايرد البكا اللي فوق راسه نصايب ........................خاشر الناس هذا العصر يبغى ذهانه |
لا نصيت الرجال متعبين الركايب
.................. ينقضى لازمك وتعود بخبار زانه مايموت الوفا والطيب طايب وطايب ................ ومن يخاشر بهذا العصر يرضى الاهانه |
دام عز الرجال اللي تحل النشايب
........................البلا من زعيم القوم والا البطانه كل الارزاق مقسومه من الله وهايب ......................والله اني لموت ولا طلبت الك اعانه |
انت تشك الزمان وصرت خايف وهايب
................. لاذبحك الزمان اخذ القضاء من خوانه هد نفسك ترى ربعك تسد النوايب ...................كل رجل يصون العلم لاجاه صانه |
وانت ياللي تحوش الفيد ويش انت جايب
..............................مايخاف ويهاب الا النفوس الجبانه رح وحيل الله اقوى كان مانته بتايب ............................انت تدري عن الروقي وسيع بطانه |
المبدعان
مطر وسرحان بيض الله وجيهكم... معنى ....وابداع..... ومتعة..... محاورة ممتعة.....شدوا حيلكم ترانا متابعين |
سرحان الوذيناني من زمان انت وينك
مطر الروقي محاوره من الوزن الثقيل مبدعين وانا متمتع |
لاهنتو
الاخوه مطر الروقي وسرحان الوذيناني
السلام عليكم ورحمة الله وبركاته شكرا لكم على هالمحاوره ماقصرتوا انتم وجميع اعضى المرقاب سليتونا وسعتو اصدورنا في هالغربه كانا في المملكه والفضل يرجع لله ثم لكم ........ وخاصه محاورتكم هذي جدا رائعه تقبول تقديري واحترامي |
من طول الغيبات جاب الغنايم
عز الله طولتوا الغيبات وجبتوا الغنايم يامبدعين الشعر له معنى وقوة وهو ماتجلى في هذه المحاوره والابداع ليس غريبا عليكم ياشعار صحيح اذا استوى المعنى وانقاد تزين الملعبه شكرا لكم ونتمنى المزيد ولا تطولون الغيبه ترى00000000000000000000000000000000000000000000000 ؟ لكم تحياتي |
المبدعين
مطر و سرحان لا هنتو يالذيابه فعلا محاوره أكثر من رائعه نتمنى ان نرى مثلها قريبا ولكم تحياتي أخوكم : عزيز النفس |
مطر الروقي وسرحان الوذيناني
لاهنتوا بيض الله وجيهكم محاوره ممتعه استمتعنا بمتابعتكم تقبلوا تحياتى |
| جميع الأوقات بتوقيت GMT +3. الساعة الآن 03:30 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية