حر اسر حر بعيونه
سلام عليكم
مصافحه اولى الحقيقه سمعت مجروره على الربابه مع واحد من عيال عمي اسمه فواز واعجبتني المجروره وحاولت اجاريها يابو علي سم طيرك شوق ......................... عيونها تشبه عيونه يابو علي شق له مشقوق ......................... عجز الاطبا يداوونه هذي من كلماتها ولا ادري من قائلها لكن ما يحضرني الا هالبيتين وكتبت مجاراه متواضعه لها بس عسى ان تحوز على استحسانكم [poet font="Tahoma,4,darkblue,normal,normal" bkcolor="transparent" bkimage="backgrounds/5.gif" border="ridge,4,indigo" type=2 line=200% align=center use=ex length=0 char="" num="0,black" filter=""] فواز انا هاضني طاروق "=" على الربابه يجرونه اعجبني الوصف والمنطوق "=" والطرق زانتلي لحونه هيّض هجوسي وجاته سوق"=" ومنه الحشا باح مكنونه يشبّه الطير بالمخلوق "=" تكفون لالا تلومونه شاعر وله في المعاني ذوق "=" وحبيبته شوق مزيوونه ماشفتها لكن المعشوق "=" بالحر يشداه مضنونه ذكر فوادي وانا مشفوق "=" على اللي الموت من دونه غروٍ ذبحني بغير حقوق "=" في كفها الروح مرهونه والقلب من سبّته محروق "=" واليوم زادتبه طعونه اوثق قيوودي بغير سبوق "=" حر اسر حر بعيونه الزين مثل الذهب في السوق "=" ولو يرخص السوق يغلونه لكن زين البني مسوق "=" مالكته الريم بركونه ريم الفلا مشيته برفوق "=" منه الشجر غارت غصونه وجبينها فيه لمع بروق "=" ومن نوره الشمس مغبونه ملح ودلع خلق كله ذوق "=" وكن البرد يكسي سنونه على جميع البنات يفوق "=" عسى البشر ما يسبونه وصف اسمهابليل شوق شروق "=" كن القمر شع من لونه يفداه برقى ومعها روق والكون والخلق يفدونه ياوجد قلبي وكل عروق "=" قلبي من الوجد يبكونه وجدي مثل وجد راع النوق "=" ذوده هل الابل يطرونه ميتين عفرااا لها موثوق "=" عهد عليه انه يصونه جاها عجاج وقسمها فروق "=" وطشّت مع البيد محزونه جنوب واهله ورى ساحوق "=" والناس عيّو يسرونه وقام يتوجد وهو مخنوق "=" مغبون وازدادت شجونه عليك يا عمري المسروق "=" ياللي لك الروح مديونه [/poet] وسلامتكم جميعا تحياتي الحاره للجميع بدر البدر |
بدر البدر
صح ا لسا نك وا لسا ن ابن عمك على هذه الرا ئعه سعود الحافي |
هلا بالعلم
هلاااا سعود الحافي
مرورك هنا شرف لي ويكفي انها اعجبتك لو ما وصلني الا توقيع سعود الحافي اكون فخور فكيف الاثناء منه صح بدنك وسلمت لمرورك تقبل تحياتي البدر |
بدر البدر
اهلآ بك وبمجاراتك لأحد رموز الشعر/عبيد السيحاني وهو موجود هنا ومن اعضاء المرقاب ومن كان يتغنى بها فالشريط كان /ناصر وفعلآ مجاراه بحجم القصيده صح لسانك وتقبل تحياتي |
البقى يا مطر
يازقن هالقصيده زقناااه يومنها كتبت نفسها بنفسها مجاراة لشاعر بحجم عبيد السيحاني انا فقط انحني له احتراما وتقديرااا ومجاراتي لقصيدته كانت من باب الاعجاب بحروفه اللتي كالدرر من دون سابق معرفه واتشرف بمعرفتكم كلكم وشكرااااا لك اخوي مطر على هالمعلومه اللي كنت ابحث عنها بالمناقيش صح بدنك ومرورك هنا لي شرف ووسام على صدر القصده تحياتي بدر البدر |
بدر
الله يلوم اللى يلومك >>>>>>> قد سرته هالربابه من نجد للطايف متهيض والسيحانى مجنون لاتسمعه وأنت بعيد عن الديرة ثم يهجدك صح لسانك ولاهنت يالقرم تحياتى |
هلااااااااا اخوي خالد
انت تقوووله صادق ياخوي نغماته غير طبيعه حروف الشعر هي اللي تجاريه غصب يا خالد مرورك هنا واعجابك وسام لي تسلم وصح بدنك بدر |
صح لسانك
[ALIGN=CENTER]
صح لساااانك اخي الشاعر وشكراً لولد عمك اللي هاظك وخلاك تكتب لنا هذه المبدعه..... (ros- (ros- (ros- جميل هذا النص الرائع... [ALIGN=CENTER] ريـــــــم الـــفــــلا مـشــيــتــه بــــرفــــوق ... " مـــنـــه الــشــجـــر غـــــــارت iiغــصــونـــه [/ALIGN] اخوك: وليد [/ALIGN] |
[ALIGN=CENTER]هلااااااااا بالشمري
صح بدنك اخوي ذيب ومرورك هنا هو اللذي يستحق الشكر الله يعطيك العافيه تقبل تحياتي [/ALIGN] |
بدر البدر
مرحباااااااااااا بك الف نتشرف بتواجدك مجاراه من رائع لرائع تقبل فايق احترامي |
بدر البدر
الشّـاعـر / بدر البدر
حضور جميـل ومجاراه راائـعــــــة وطررررق حـلـــو بـجـد فـ صح الله السانك يـا أخـــوي / بدر ، ولاهنت تــــقــبــَّــــل تــحــيـَّـــاتـــــــــي أخــ ( ناصر الهاجري ) ـــوك |
اخوي خالد بن سعيد
الله يبقيك ويبارك فيك ويشرف مقدارك الشرف لي انا بالانضمام الى هذا الصرح العظيم إطرائك وسام لي تقبل تحياتي بدر |
اخوي ناصر الهاجر
شرف لي بان يمر بكلماتي انسان عظيم مثلك
صح بدنك والله يسلم راسك تقبل تحيات اخوك بدر |
الــزيــن مــثــل الــذهــب فــــي الــســوق ii"
" ولــــــو يـــرخـــص الـــســــوق iiيـغــلــونــه الغالي بدر .. صح لسانك ولاهنت يا ذيبااااان حضور جميل .. لاهنت يالقرم تحياتي |
خالد العنقري
حضورك هنا يشرفني كثيرا
سلم راسك والله يبقيك ويطول بعمرك تقبل تحياتي بدر |
يفداه برقى ومعها روق000000000000 والكون والخلق يفدونه
ركّز لي على هالبيت يابدر ههههههههههههههههه فديتك يابدر وفديت هاللحن اشهد إنه يغدي بالسامع والقايل والله يعافي عبيد اللي هيضك لنا صح لسانك ولاهنت وسلمت ودمت اخوك000سابك ذهب تحياتىىىىىىىىىىىىى لك |
عبدالرزاق الذيابي
هلاااااا ومرحبا فيك
مركز على البت هذا كثير وهو يعود لاحساس خاص لا اكثر شكراااا لك اخوي على هالمرور الله يسلم راسك واعجابك وسام لي تقبل تحياتي بدر |
السلام عليكم
الاخ الغالى الشاعر بدر البدر صباح الخير ياسلام على الابداع صح السانك ولاهنت على المجاراه الرائعه قصيدة جزله من شاعر جزل تقبل تحياتي اخوك خالد بن سكران |
خالد بن سكران
صح بدنك وشكرا لمرورك
وسام لي طار عمرك مرور شخصك بكلماتي الله يعطيك العافيه تقبل تحياتي بدر |
بدر البدر
.. صح لسانك ولاهنت حضور عظيم مثلك تقبل تحياتي |
فواز المساعد
مرورك زادني شرف
الله يعطيك العافيه وسلمت وصح بدنك تقبل تحياتي بدر |
الأخ الشاعر / بدر البدر
هجينيه ذهب للامانه اعجبتني وقرأتها أكثر من مره تحياتي لهذه المجاراه الجميله الجزله الوافيه وسلامي أخوك / سداح |
| جميع الأوقات بتوقيت GMT +3. الساعة الآن 08:55 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية