[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مافيه داعي نطولها ويطـول الكـلام=بانتلي السالفـه ونكشفـت أوراقهـا
تبينت واضحه يوم الطريـق استقـام=رجليك ماسقتها يوم الهـوي ساقهـا
تري المحبه مع مثلـك علـي حـرام=سوالفك بالهـوي مانيـب عشاقهـا
مايستويلك كلام الحب وهرج الغـرام=حلاوة الحب معكم حامـض مذاقهـا
هذاك وقتٍ مضا يوم أن لـك أحتـرام=يوم المحبـه معـاك يلـوح براقهـا
أبادلك بالغـلا والشـوق و الأهتمـام=مشاعر القلب صوبك بانت اشواقهـا
ياجاهلٍ بالهوي يوم الهوا لـه نظـام=اصبحت سلعة عواذل داخل سواقهـا
خلك مع أهل الظلام اللي تعشق الظلام=لابد شمس الحقيقه يبـدي أشراقهـا[/poem]