السلام عليكم ،

خويطره بطلب الغالي سعود بن جديع انتقلت هنا ،



[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
واعذابي منك يا صوت الربابه=كم بحثتي خافي النفس العليله

بين قوس وسلك ولحونك تشابه=الوتر واحد ومن حطّه .. يشيله

كل جرّه منك ما معها مجابه=ما كسبتي من مجاريرك جميله

أتركيني لا تزيديني صبابه=خاطري مشحون وسموعي ثقيله

العوا لو قطّع حلوق الذيابه=كل ذيب ٍ زاد بعواه وعويله

ليه عيـّا يفتح النسيان بابه=نعمة النسيان ماهي مستحيله

من طواه العشق .. وأعياه.. وغدابه=قام يهدم حالته .. ويهدّ حيله

كل ما هبّ الهوى جددّ صوابه=الذواري زادت الحمّى مليله

ما يدوّر غير دعوه مستجابه=كان ما الله راحمه واعزّتي له

أتفكّر بالسؤال .. وبالإجابه=وأتذكّر كل يوم .. وكل ليله

وين غاب اللي محيّرني غيابه=غايته عيّت تبررها وسيله

عقب حبّه في ضميري شقّ نابه=وهلّ في صدري غلاه وسال سيله

شدّ عنّي ما ترك لي من زهابه=غير باقي سيرته والله وكيله

في جراهيد الجفا هجّت ركابه=عقب قيّدني على راس الطويله

ليت قلبي ما قطف زهرة شبابه=وليت وجدي ما شرب من سلسبيله

أن عذرته .. ما على الدنيا غرابه=وأن تركته .. كل مخلوق وسبيله

مير ليته يسمع الودّ وجنابه = في جناب الود غنوّا فيه شيله !![/poem]


وسلمتوا ،،