|
الفارق سنين !!
[align=center]
يا سيدة هـــ القصيدة وش تقولين ؟
في شاعرك .. والقصيد بكل الاوزان
وانتي قصيدة .. ولكن ! عن دواوين
رسمة .. تعجّز يدين وعقل فنـّان
ما يختلف في جمال عيونك اثنين
لو انهن يخلفّن شعور الانسان
نظرتك تطلق عنان الفكر .. إلى وين ؟
لابعد مدى .. والمدى من غير عنوان !
أشوف فيها سوالف عشقٍ تحين
واشوف فيها كلامٍ ما بعد بان
كأنها تختصر عمر المحبين
وتوّقفه عند نظرة عينك الآن !
ومن تحت حد العيون ..الخوخ ! والتين !
ما ميّلتهن غصون من أي بستان
وفستانك الأحمر اللي ماله يدين
كنه يغيظ بجمالك كل الالوان
وده يعرّيك لو هو يستر الزين
كنه يوّصفك لو هو ماله لسان
طوله قصر عنك .. كن الفارق سنين !
متعلّق بك .. يدور فيك سلوان
عن كل سهرة نسيتي به تروحين
وانتي به أجمل وهو بالحسن يزدان
فالحفل .. كنك على غيرك تدوسين
باطراف حسنك وخطواتك بتحنان
أشقرك لا مال .. وش عذر الرياحين
تهب .. وقلوب بعض الناس بركان
مانتي بدر ! لا بدور ونورك يبين
يزيدني في هواك وعشقك إيمان
يا فاتنة .. شاعرك يسأل : وبعدين ؟
معقول وصلك إلى هــ العمر ! ما حان ؟
متى تحنيّن ؟ أو ! لا .. لا تحنيّن !!
أنا بحبك بصمت .. وصمتي : جنان
لكن .. بعد هالقصيدة وش تقولين ؟
في عاشقٍ ما طرى له عنك نسيان ! [/align]
|