منتديات المرقاب الأدبية - عرض مشاركة واحدة

31-12-2008, 01:16 AM

ياجمهور لاتحزن علي شاعر المليـون
اذا قالهـا الله عـاود الطيـر ملواحـه
دخلنا الميه هذى الميـه أول العربـون
ولا في يـدي قفـل الامانـي ومفتاحـه
أغامر ثقه بالنفس مالعب علي المضمون
مهارى علي كسب النواميـس جماحـه
أحب الكرز وأتعب علي تمره العرجـون
ولا كل حمراء تجـذب الطـرف تفاحـه
وأنا شاعر لانـي بنسخـه ولا كربـون
ولايلحق ابيوتي مـع الوقـت مساحـه
ولاني من اللي شعرهم فقعـه صابـون
ولا أرد علي عـد لـه النـاس مياحـه
أدور علي جلمود ضخر تحتـه اعيـون
تجف النهـار وتالـي الليـل نضاحـه
تبل العطش ماهي بعـد لمـن يـردون
علي جالها العيسوب مايقـف اجناحـه
يسريني الهاجس لها والصعاب تهـون
وأنا داري مامـن وراء عشقهـا راحـه
ماغير السهر والهم والضغط والقيلـون
وقهر تولده الصحافـه علـي الساحـه
هذا له علاقه مع سميره ومع سيمـون
وهاذا خوي سفـره وسهـره وطراحـه
تبادل مصالح وأكثر النـاس مايـدرون
لكن النصوص لبعض الاشخاص فضاحه
وفجأه طلع نـور يبـدد ظـلام الكـون
من أبوظبي يجهر سناء نور مصباحـه
نصيته وأنا لاني بصاحـي ولا مجنـون
أدور علـي مجـد لـه العيـن لماحـه
ابا أرضي به النقاد وارضي به الغاوون
واسجل حضوري من علي شاطي الراحه
وأذا ماحصل لاني ناقـص ولا مغبـون
ياكم عاشق بالعشـق ماتكمـل افراحـه
نكر ونفـر ولارضينـا نعيـش بهـون
وعذر الجبان انه جلس يفتـق اسلاحـه

صح لسانك يا محلفي مليون × مليون
أبدعت .. و شهودها على عضودها
لله درك .. لله درك

أخوك/محمـــد ال عبـــدان