[poem=font="Simplified Arabic,6,#0061FF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياجمهور لاتحزن علي شاعر المليون =اذا قالها الله عاود الطير ملواحه
دخلنا الميه هذى الميه أول العربون =ولا في يدي قفل الاماني ومفتاحه
أغامر ثقه بالنفس مالعب علي المضمون =مهارى علي كسب النواميس جماحه
أحب الكرز وأتعب علي تمره العرجون =ولا كل حمراء تجذب الطرف تفاحه
وأنا شاعر لاني بنسخه ولا كربون =ولايلحق ابيوتي مع الوقت مساحه
ولاني من اللي شعرهم فقعه صابون =ولا أرد علي عد له الناس مياحه
أدور علي جلمود ضخر تحته اعيون =تجف النهار وتالي الليل نضاحه
تبل العطش ماهي بعد لمن يردون =علي جالها العيسوب مايقف اجناحه
يسريني الهاجس لها والصعاب تهون =وأنا داري مامن وراء عشقها راحه
ماغير السهر والهم والضغط والقيلون = وقهر تولده الصحافه علي الساحه
هذا له علاقه مع سميره ومع سيمون =وهاذا خوي سفره وسهره وطراحه
تبادل مصالح وأكثر الناس مايدرون =لكن النصوص لبعض الاشخاص فضاحه
وفجأه طلع نور يبدد ظلام الكون =من أبوظبي يجهر سناء نور مصباحه
نصيته وأنا لاني بصاحي ولا مجنون =أدور علي مجد له العين لماحه
ابا أرضي به النقاد وارضي به الغاوون =واسجل حضوري من علي شاطي الراحه
وأذا ماحصل لاني ناقص ولا مغبون =ياكم عاشق بالعشق ماتكمل افراحه
نكر ونفر ولارضينا نعيش بهون =وعذر الجبان انه جلس يفتق اسلاحه[/poem]