السلام عليكم ورحمة الله وبركاته ..

نص متواضع اتمنى ان يشفع لي لو بشيء بسيط عن غيابي .. اقبلوه فقط


[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من خوى الراس قندت القناد = ومن قنادي ياكم راس" حمد
وطار جل النعاس من الرقاد = وصحصح الليل والراقد رقد
لين جبت المراد من المراد = وفح صدر" من الضيقه لحد
ولا تقول انها بانت سعاد = ان تبينت مابانت لحد
هب راسي يا ذعذاع البراد = ولوح يابرق ورعد يارعد
وانثر الريح في وجه الرماد = خل عينه يطاولها الرمد
مايذر السواد الا السواد = ولاتجيب العفون الا النكد
عالم" كنها سرب الجراد = وكل طير" يحسب انه هدد
والبلا ما تساق ولا تقاد = بعض الازوال تكمالة عدد
كنها جات لدنيا جهاد = ومن جهدته فلا عنده جهد
بين لام العلوم وبين صاد = ولا انحدر سيل جابولك زبد
والسوالف تبي علم" وكاد = ما تبي وش قبل ولا بعد
يضرس شعيل لايام الهداد = وان هدر يارمح ولا هبد
ويزرع الزرع لايام الحصاد = واحد" كم زرع ولا حصد
وكم مجد" خذله الإجتهاد = جد .. لكن ويش اللي وجد
وغلف الحقد باسم الانتقاد = ومن حقد له على شخص انتقد
قد تهقويت في روس العباد = واصبح الصبح ما فالحمض احد
ووالله اني ما هيم فكل واد = انقض الفتل وآحل العقد
ولا تقول انها بانت سعاد = ما تبينت لو بانت لحد[/poem]