ليتنا كل خمس شهور نطلع باجازه
المعاشات تمشي والاجازه مديه
سعد من طاف ابو سمره وخرّج جوازه
مطلعينه من التخريج والشمس حيه
فوق بنزٍ جديدٍ تو وِرِّد طرازه
مشترينه بكد ذراع ماجا هديه
والدريول يسوقه عارفنّ امتيازه
مابقلبه لصنع الجرمني مرحميه
والحسا لو نمره ما لنا فيه عازه
كل منا على الممشا يشجع خويه
ماحلا حدر ضوح الشمس لمعة قزازه
يصفق الميل بالتسعين من فوق ميه
ناحرٍ لي حبيبٍ خز قلبي خزازه
الله اللي سخرني له وسخرّه ليه
عبدالله إبن رجا إبن قنيص الهاجري..رحمهُ الله
|