سعود ناهض الرويس

الصدفه اللي جمعتنا علـى خيـر
مدري وش اللي يحصل ان فرقتنا
لكن امانـه لاعصتنـا المقاديـر
وظروفنا عـن جمعنـا شتتتنـا
صوني جنابك عن جميع المحاذير
حسب السلوم اللي علاها نبتنـا
وتجلدي بالصبر ياانقى الغناديـر
كـان الليالـي للجفيـا حدتـنـا
واخذي حسابك لليالي المعاسيـر
لاسنت رماح القضـا وانحرتنـا
قصر الهنا دونه تدق المساميـر
مع كـل بوابـه نجـي قابلتنـا
والوقت عيى لايجيب التباشيـر
وايامنـا لـو ودهــا قربتـنـا
كنت احلم اعوضبك كل المخاسير
مير الحظوظ اقفت وعنها حدتنـا
بحر الحياه اغرق جميع البوابير
ولا عاد باقي غير نبض افئدتنـا


نايف المقاطي

صح لسانك ولاهنت

ابيات اكثر من رائعه