[align=center]السلام عليكم ورحمة الله

كيبورديه للتواصل , اسمحو لها بالمرور [/align]


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يوم الليالي خيّبت كل رجواي = وانهت ملامح ضحكتي وابتهاجي
طوّلت مع ليل المواجع بمسراي = وكفيّت عنّك لوعتي واحتجاجي
أقبلت كلك ترتجي مد يمناي = ما كنك اللي ردني باحتياجي
ما كنك اللي سكّر اذنه لشكواي = يومٍ اردد تهت ماعرف خراجي
يا هيه وينك جرّح الدمع عيناي = يا هيه وينك ضايقت بي الملاجي
صديت ما همك تفاصيل بلواي = صديت يوم الحزن طفّا سراجي
ألحين ودك بالهوى نجمع الراي؟ = ألحين قلبك للمواليف راجي؟
ألحين تشكي جور بعدي وفرقاي؟ = ألحين تبكي من الهوى يا مزاجي؟
كنت احسبك لا مالِ بِالوقت مركاي = اسند عليك بميلتي وانعواجي
كنت الوطن والناس والزاد والماي = دمجت حبك وسط دمي اندماجي
اليوم خابت من سواياك هقواي = اليوم بعد الضيق جاني انفراجي
قفّلت بابك وانتهت كل ذكراي = ارحل غدا جوي غبار وعجاجي [/poem]