[poem=font="Simplified Arabic,7,black,bold,normal" bkcolor="transparent" bkimage="backgrounds/2.gif" border="none,4,gray" type=0 line=1 align=center use=ex num="0,black"]
وين العرب وين الرجال المناعيـر=وين الرجال اللي يحبـون الإسـلام
وين الرجال اللي بهم نخـوة الخيـر=وين الرجال أهل الوفاء نسل الإكرام
وين الرجال اللي تقـود الطوابيـر=وين الرجـال اللـي يقولـون قـدام
متى نهار يسبـق الحـرب تكبيـر=تكبيرت المسلم ليا لبـس الإحـرام
حنا وخذنـا بيـن شـارون وإبليـر=وبوش الخبيث اللي لنا ألدّ الأخصـام
بدوا بحرب دمرت الأرض تدميـر=منها البيوت أضحت خرابات واحطام
وطيوّ على كبد الوطـن بالجنازيـر=وجروحنا في الشرق والغرب والشام
حربٍ على لبنانٍ وحـربٍ بكشميـر=وارض العراق وما بقى بعد صـدام
عـدّوا لنـا قـوه تفـوق المعاييـر=وحنا نحاربهـم بشجـب بالأعـلام
اجسادنا راحـت عشـاء للكواسيـر=بلا سبب رحنـا ضحايـا للأجـرام
أبطالنـا ذبحـوا ولا فيـه تبريـر=ولا بقى كـون الأرامـل والأيتـام
واعراضنا تهتـك بفعـل الخنازيـر=أبناء اليهود اللي يعبـدون الأصنـام
ولابه جداء غير البكـاء والتزافيـر=وندق بالوسطى على عرض الإبهام
هذا هـو الواقـع ولا فيـه تغييـر=عار على الأمه على طـول الأيـام
إلى متى وحنـا نعّـزف المزاميـر=ونـردد ألحـان أم كلثـوم وأريـام
وإلى متى وإحنا على الغبن ونسيـر=وإلى متى نعيش في نسـج الاحـلام
إبلادنا خذيت ويسكـن بهـا الغيـر=ولا فيه من الأمـة ولا واحـد قـام
إلا المليك اللـي براسـه صعاطيـر=حلالها لا جات من بيـن الأخصـام
عبدالله اللـي لـه معـزّه وتقديـر=حاكم حكيمٍ يحكـم الـراي بإحكـام
صقر العروبة جعل دربـه تسافيـر=من يوم جـاه العلـم ماساعـة نـام
اصـدر قـرار للمعـادي بتحذيـر=ويقول حنـا صابريـن لنـا اعـوام
القدس يبغي يأهل القـدس تحريـر=ما حرره كثـر البكـاء والترحـام
يبغـي رجـال بالمعـارك مغاويـر=حب الشهادة ساقهـم سـوق مقـدام
والختم صلوا عد ما طار من طيـر=على نبي وضّـح أمـور الإسـلام[/poem]

من لايــودك لاتوده وتغليه**خله عسى سود الليالي تحده
لابد من يومٍ يجي رافع ايديه**يندم على ماصار ويعض يده