[align=center]هذه قصيده لشاعر المبدع فراج العتيبي
ويليها ردي المتواضع فليعذرني لانها اتت على عجل[/align]



[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
إيه قالو مدحة الرجال في وجهه مسبه= مار لو صح المثل ماصحت قلوب البرايا
يامحمد وانت بأخلاقك وشعرك ماتشبه = المراجل من كسب يمناك .. وابياتك مزايا
والله إني مامدحتك غير اكن لك المحبه = واعتبرها اغلى قصيده تنكتب .. واغلى الهدايا
اتعب الافكار..وانحت من صخر..واغوص غبه = وكان راد الله تبى تروي ضمى كل الضمايا
بعدها ياهاجسي لادق في صدري منبه = وإدلهم الليل الاسود .. واشرقت بيض النوايا
الطريق اللي على بالي من البارح بـ / آذبه = الدليله ( فكر ) والغايه ( ورى عوج الحنايا )
يامحمد وانته ابخص .. كل شيٍ وله سبه = والقضيه حلّها بيدين حلال القضايا
زبدة الموضوع ياللي تحكم الهرجه ولبه = انت رجال ٍ توصي مانته بحاجة وصايا
من يجنب عن مطبه لايطبح في مطبه = ماهو شرط .. الراس يسلم والرزايا فالمطايا
القصيده كلها من باب تقدير ومحبه = قلت ارمزها وابلغ صاحبي جزل التحايا[/poem]

[align=center]
وهذا ردي الله يجملني مع الشاعر فراج[/align]


[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

يازلال الشعر من هاجوس فكري قوم صبه=ثم مده باليمين لصاحبي وآف السجايا
هات جزل الهرج واللي مايجملنا نكبه=المشاعر صُورت الشاعر والابيات المرايا
حي من هجرس وغنا حي طاروقه ونبه=والبيوت اللي عجزنا ماليقنا الها حلايا
مير يافراج بعض الناس ياربي وربه=مايتوب ولايعيش الاعلى اسلوب اللوايا
وانت تكرم ومحشوم ولاتوصيّ ومتنبه=وان سهينا مادرينا ماحسبناها رزايا
مايهز الجيب بطناج الطريق ولا مطبه=والفضاء قدام عيني لاركون ولازوايا
اطلق اسبوق القصيد ويعكس الريح ومهبه=والوهايب جات من كف الكريم ابا العطايا
يسري التفكير والهوجاس وزناده يشبه=لين انوخ به كرامه عند مشّبعت الضرايا
النوايا يعلم الله ماتغيّرمستتبه=مايغطيها الغموض ولا نوردها حجايا
والزلال الي مصفى متقنن هيله وحبه=من يميني يابن عايض سم ياجزل السجايا [/poem]