[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا تواخذني على قطع الصّله=قبل لا تدري وش اللّي في الضّمير
انتقل من مشكله في مشكله=و الله اعلم وش بعَد بكره يصير
كلّما يمّمت دربٍ مقفله=راح وقتي في محلّي استدير
الظّروف القاسيه متسلسله=و اللّيالي تجعل العاقل يحير
ردّ روحي و اخذ ليلك بأوّله=كفّ باسك من عذابي و استخير
كلّ حاجاتي بدونك مهمله=و الجفا لأهل الوفا ما فيه خير
خلّ عنّك من يثير البلبله=الثّقه ما تنعطى غير الجدير
و الطّبايع ماركات مسجّله=و انت وحدك في اعتقادي و انت غير
اتّجه لك اتّجاه البوصله=و انت الاوّل في الهوى و انت الأَخير
ما اذكر انّي جيت لك في مزعله=ذاخرٍ لك في الغلا شيٍّ كثير
لا تظنّ البعد حلمي يقتله=لي طموحٍ لأجلك يحثّ المسير
جاك شوقي من خفوقي مرسِله=لا تطوّل و انتظر منك البشير[/poem]