[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
البارحة دفتري يأخذ من أوراقي =مايأخذ من السهر نوم المحبيني
بيديني أدف نومي دف لحداقي =وقدام ترجع يديني يسبق ايديني
والآه لاجبتها من داخل أعماقي =ماكنها إلا مطلعها فلسطيني
من عايلة كان يرعاها هو الباقي =يقول ياموت تكفى لاتخليني
كنت احسب إن اختلاف أهل الوعي راقي=مهما حصل ماتجي من بينه وبيني
ومن يوم خاب الأمل في هقوة الهاقي=صديت ماكن هذا الأمر يعنيني
ماضاقت أفاقة إلا وسعت آفاقي=أبيع كل الكلام الزين واشريني
وإلا عدوه لو ايدّور ماهو لاقي=لأني أعد عدوانه عدويني
عن كشف عيب الرفيق أتعيي أخلاقي=عقلي قبل لايعقلني مربيني
وكانه يسوق البشاير سوق لفراقي=ماني مدور على افراقه معزيني
باعطيه خالص تحياتي مع اشوقي=مغنيه ربي وانا بالمثل مغنيني
وداع مافيه لادمعة ولاأعناقي=إلا جنازة( وفاء) قدم المصليني[/poem]


ماشاء الله
تبارك الله

سبحان ملهمك يا عقاب العماني

قصيدة من درر الشعر
فيها عقلانية وحكمة و وفاء ورجوله
صادقه لأبعد حد هذه القصيده

في المفضله مباشره لاعدمتك

وصح لسانك مدد بلا عدد ،

..