الغياب اشتد وقعه على القلب الحزيـن
مالعب بالقلـب غيـر المهـا وغيابهـا
اتركتنـي للمآسـي وزفـرات الحنيـن
تلعب الغفلـة بقلـب المهـا وأهدابهـا
الوضع مزري ومذموم والواقع مهيـن
والزمان اللي خـذا المترفـة ماجابهـا
اتركت لي هم ثايـر وجـرح ودمعتيـن
وباقي اغراض ٍ نستها وبعـض ثيابهـا
غادرت والقلب بالكف مملـوك ٍ رهيـن
يستلـذ كفـوف محبوبتـه واخضابهـا
ماعطتني غير دمعة جثـت بالوجنتيـن
دمعة ٍ بموت منهـا وارد أحيـى بهـا
دمعة ٍ يدرك مفاهيمهـا قلـب ٍ فطيـن
والغبي لاشاف دمـع المحاجـر عابهـا
دمرت في مستهـل المـوادع وردتيـن
يانعـات ٍ ماشكـن دنيتـه واتعابـهـا
يوم غابت عن عيوني غدا ضلعي طحين
منه نفسـي ماتمـادت تلـم اعصابهـا
لين عدوني هلي من حساب المفرطيـن
يوم شافوني من الشوق اراقـب بابهـا
الله انـه لايوفـق عـداة ٍ مغرضيـن
ماذبحني غيـر ربـع المهـا واقرابهـا
مالنا الا الصبر والله يعيـن الصابريـن
يمكن أتعود بعد حين ثم احضـى بهـا
أبيآتهآ كلهآ تستحق الإقتبآس حقيقتآ ..
ألف صح لسآنك يالجزل وبيض الله وجهك ..
فإنتظآر المزيد من روعة قصآئدك / تحياتي !
|