انـا واعذابـي كلمـا روّح النسـنـاس
وانا في الكويت وغايتي فـي السعوديـه
ماغير اتوجد واضرب اخماس فوق اخماس
ابي غايتـي وظروفـي الصعبـه معيـه
ظروف الحياه وربطة الـزام والهوجـاس
وغيـره علـومٍ..... بالتناهيـت مقفيـه
حدتني على العزله وانا احب قرب النـاس
واحـب اجتمـاعٍ بيـن ربـعٍ شقرديـه
واحب البـداوه واهلهـا طيبيـن السـاس
اهل طرش واهـل بيـوت بالعـز مبنيـه
بيوتٍ ليامن مرّهـا الضيـف مايحتـاس
يحصـل تراحيـبٍ مـن القلـب مهديـه
وفاله فناجيـلٍ تصحـي عـروق الـراس
بعـد ماطبخهـا القـرم بـدلال بـريـه
خذا ساعةٍ يتعب على البـن بالمحمـاس
وحـرّص عليهـا مابهـا حبـةٍ نـيـه
وعقبه علومٍ طيبه مـع هـل النومـاس
علـوم الرجـال اللـي تواريخهـم حيـه
يهرجون في تـال المواضيـع والـدراس
دروسٍ تفيـد اللـي مـع اول مبـاديـه
وعقبه يحطون الشحم باوسـط الجـلاس
ويقلط عليه الضيـف واللـي بعـد زيـه
حقوق الرجال اللي لها حسبـه ومقيـاس
ويحرص عليهـا اللـي بعيـده هقاويـه
هذي غايتي يالايمـي والرجـال اجنـاس
ولاهمنـي بـاق المواضـيـع مولـيـه
بندر
درر منثورة على أسطر
صح لسانك .. ولا هنت
تحياتي
...
|