[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ابصعد المرقاب واشـب ضـوي = مدامني ضاري بعـال المراقيـب
ماقـول ياليتـي ولا قـول لـوي = اتعب على الطالات وادور الطيـب
اخذ قراراتـي بصمـت وتـروي = حتى ولو دارت علي الدواليب
الصبر برقي والمقابيل نوي = ماني بجازي راعي العيب بالعيب
اكبر مثل بـن الزمـان متلـوي = تضيع مابين العـدو والاصاحيـب
كنت اتحرى طعنتي مـن عـدوي = لكن جتني من ولد عم وقريـب !!
مانيب قايل بعدها ويـش اسـوي = مشيتها من قبل تدري الاجانيب !!
ماهو على شانه علي متقـوي = كله على شان اللحى والاشانيب !!
ماقول له يافلان عكـرت جـوي = بالعكس يبشر بالهلا والتراحيـب
ماهمنى حكـي الكلام المهوي = ناسٍ تودي بالسواليف وتجيب
يبطي عذولي ماينزل علوي = يارب لايمسك عليّه مقاضيب
وانك تثبتني وترفع سموي = وانك تخليني على حق ومصيب
شرهات الالسن بالضماير تكوي = ومن شان خاطر مانبيع المواجيب
لو كان نجمه كـل ليلـه يضـوي = المرجله تحضر مع الناس وتغيب
الحر هو الحر مهما يسوي = لابد مانلقى بطلعه عذاريب ؟![/poem]