بسم الله الرحمن الرحيم

السلام عليكم ورحمة الله وبركاته

حياكم الله اخواني العمالقة في مرقاب الشعر

الجزل واهله ، اتمنى ان يكون كل الاخوان

والاخوات الزملاء الاعضاء بكل خير وصحه وسلامه،

هذه الابيات من جديدنا للتواصل مع تواصلكم المشرف والغالي ،

لاعدمتكم ،،


[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الـحـق نـــور وصـحـبـة الاخـيــار نـــور= والـعـيــن مـنْـظــرْة الـعـقــول ونــورهــا
والـنــاس والـدنـيـا مـزامـيـر الــشــرور=والـرابــح الــلــي مــاوقــع بـشـرورهــا
ان زل عـاقـل واعـتـذر قـــول ، مـعــذور=وادمــح خـطـا العـقـال واخــذ بـشـورهـا
واحفظ لسانك ماانت في العسر محشور=كـــم كـلـمـة ٍ يـغـرقـك مـــوج بـحـورهــا
واليـا حصـل منـك لحـد ٍ جـرحـة شـعـور=واكبر خطـأ فـي النـاس جـرح شعورهـا
تــرى الـعـذر مـثــل الـجـبـاره للـكـسـور=الـعـذر يحـيـي فــي النـفـوس سـرورهـا
كلمـه ومـن قلـب ٍ وَفَـيِ، تجلـب ســرور=وتـزيــل مـاحــاك الــعــرب بـصـدورهــا
خــــل الـتـكـبـر والـتـجـاهـل والــغـــرور=وقــدّر مـقـام الخـلـق واعــرف دورهـــا
يقـولـه الـلـي مـعـه مــن وقـتـه سـطـور=فـي الصفحـة الـلـي مـاقـروا منشـورهـا
الــوقــت عـلـمـنـي مـسـاهـيـل الـعـبــور=عـقـب الـــدروب الضـيـقـه وعـسـورهـا
عـرفـت مـنــه، ان الـرحــى لازم تـــدور=ولامــن حــلاوة غـيـر عـقــب مـرورهــا
وصافحـت نسناسـه وقاسـيـت الـحـرور=وكيف اتقي شمـس الضحـى وحرورهـا
عـرفـت كـيـف افـتـح مغالـيـق الـصـدور=واجــنــّب الـعـثــرة وأداوي كـســورهــا
صاحـبـك يافـايـز عـلـى الـدنـيـا صـبــور=صـبــر الـجـمـال بمـاتـشـيـل ظـهـورهــا
ولانـــي مـُنَــــزّه ، كـــل عـــدّاي ٍ عـثــور=مـيـر اجتـهـد والنـفـس مــن مـقـدورهـا[/poem]
وسلامتكم ..