لشخص عزوني الناس لحظه وعزاني عمر .
لمقام والدي سحمان بن ملحم السبيعي



[align=center]؛[/align]


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
كل ساعة حب تخصم من سنيني= يمكن انسى حلم عمري ولاانساها
اكتفيت من المحبه ويكفيني =القلوب الصافيه كاسب ارضاها
والقلوب الحاسده لو تـدانـيني =اترك ادناها يعود على ,اقصاها
الله اللي يغني الناس مغنيني =عن كرام الناس ماسـأل عن اسماها
وان سمعت اسمائهم قلت نعميني =غايةً من قدم الطيب يلقاها
ومن كتب له حرف واحد يواسيني =في سنينً قابلتني من ادناها
يوم قلبي كان محتاج ليديني =ويوم عيني كانت تفرط بماها
بعد ماعزّيت في اول :-اثنـيني=صافح النفس الحزينه وعزاها
بالوفاء والطيب كنه يقريني =كل كلمة فالصداقه , ومعناها
رابط العنوان باغلى عناويني =كلمةً تكتب على الغيم واقراها
اسم سحمان السبيعي ينسيني =كل حاجه فارقتني , وانا ابغاها
المحبه ثابته بينه وبيني =قبل ابوي يفارق الناس رسّاها
لين صارت وسط فكري , وتكويني=وقفةً , واقف بها ماتعداها !
ياموفي بالوفاء .. الرابط الديني = كثر الله خير نفسك ، وتقواها
والدي قبل يتوفى.. موصيني = وانت عنوان الوصيه, وفحواها [/poem]




[align=center]؛[/align]