السلام عليكم ورحمة وبركاته

صباحكم / مسائكم
خير وعافيه ومسرات ورضا


بعد هالغيبه جيت وكل امل ان تنال هالمتواضعه
على الرضا والاستحسان من اشخاصكم الكريمه


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ان كان تجريح الحبايب سهالات= ترى جروح الحب ما هي بعادي
وان قيل لك في يوم خلك ترى مات=ما عاد ينفع صوتك اليا تنادي
تغانم الفرصه ما دام انها جات =باب العفو للحين ماهو وصادي
اقلط على قلبٍ لفيته من آهات=واقلط على حبٍ ربى لك وجادي
من الوفاء والود لو عاش كسرات= بين الليال الموحشه لك يفادي
امشي كسير ٍ بس ما احسب مطيحات=إلين ما اوصل لغاية مرادي
اطوع اصعابٍ نوايف محيلات=وعندي سموم والوقت عز البرادي
يعني اذا ما اعطيت ما قلت لك هات= يكفيني اني لك بصادق ودادي
طبعٍ ربى فيني وللحين ما بات=يوم انت فيك الصدق بالحب غادي
قسوة غرامي فيك صدٍ وطعنات=ولذة غرامي فيك هجر وبعادي
يعني مع الدربين ما به مسرات= فرحة زماني ماتت بشح ايادي
اكتب شهادة حب ضمن الوفيات =ما دام زرع الحب ما به حصادي
اجرح ما دام الجرح عندك سهالات=وثوب المجارح ملبسه صار عادي[/poem]

وسلامتكم

حسنـــ الوافيــــ

امسي على عذرك واصبًح على الجرح
كن العشى عذرك وجرحك لي ريوق!
مديت لي حزنك وشحيت بالفرح
واسرتني لليل مع خوة الموق
تدري وش اعظم شي ٍ يصدع البرح
دمعة رجل لا صار بالحيل مخنوق