يا طارشي ما فيه داعي للازعـاج
النفس طابـت والليالـي قصيـره
عمر البنادم خط واحـد ومعـراج
بيـن الديـار الاولـه والاخيـره
وانا هنا مانيب واعـي ولا سـاج
متحفـزٍ لأ يامنـا المستـديـره
اشيل همٍ فـي كنيـن الحشـا لاج
ما عاد باقي غير ابيح السريـره
ما عاد من ضيقات الايام مخـراج
الله من سـود الليـال العسيـره
حتى شفا هداج مـا عـاد هـداج
امسى بديره واصبح بغير ديـره
عليك يـا ملغـي عماتيـم الادلاج
يا راعي المدات شـوق الاميـره
الصاحب اللي عاش عمره ولا داج
شبلٍ ما ادور في الرياجيل غيـره
لاجله تركت بيوت الاجواد مسهاج
من غير قاصر في رجال العشيره
يا سعود هقـوات الرياجيـل دلاّج
والورد يكفي منه ريحـة عبيـره
سلّمتها والباب مـا فيـه مـزلاج
رسالة وسـط الضمايـر كبيـره
اما تعود وريحهـا بالرجـا عـاج
ولا تضيع وجعل في الامر خيـره
الله الله
صح لسااااااانك
والله ياسلطااااااان
لله درّكــ
دمت بخير
وفي رعاية الله
***********
|