منتديات المرقاب الأدبية - عرض مشاركة واحدة

03-02-2009, 09:25 PM

وأنـا طفـل قبـل السهـر والتناهيـد
وقبل الحـزن يصبـح لقلبـي طبيعـة
قبل أحبس الدمعـة ليـا طـروا العيـد
وقبـل أسكـب الدمعـة بليـا ذريعـة
كنـت أستطيـع أفـرح بليـا مواعيـد
واليوم في موعد فرح .. ما أستطيعـه
ولا همني .. كان المهم أطـوي البيـد
وأنـا بـري مـن الهجـر والقطيعـه
أهـدي لخلانـي سـرور .. وتغاريـد
وأنا جروحـي فـي خفوقـي شنيعـة
ولا أشتكي .. كنت أبتسـم دون تعقيـد
واعقد لحزني صبر .. وأشكر صنيعـه
لا زلت أعشق الصح .. وأخشى المناقيد
وأبحث لنفسي في الطليعـة .. طليعـة
ولا زلت أحب الحب لا جـا بـلا قيـد
وأحبـه أكثـر .. لا غمرنـي ربيعـه
لا جابني سيد .. وفي حضـرة السيـد
اللي شـرى قربـي .. وعيـا يبيعـه
اللـي عطيتـه مـن خفوقـي تناهيـد
وأعطى خفوقي من غرامه .. جميعـه!

لله درك و كفى .. !!