صبحكم الــله بالخــــــير
اتشرف بان انضم الي هذا المنتدى الشامخ بمواضيعه
واعضائه الاكثر من نجوم
واقدم لكم هاذه المتواضعه امل ان تحوز على انصافكم ...




[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياناعس الطرف ياسيـد المهـا يالجميـل = تـعـال ابعلـمـك فعـلـوم ماقلتـهـا
انت الحبيب وغرامـك باقيـن والدليـل = صورتك كل ماغمضت عينـي تخيلتهـا
ماللك شريكـن بقلبـي لا ولالـك بديـل = وضلوعي لـو ماتحبـك كـان ماشلتهـا
ياصدق وياغلا غلا ياول وياخـر خليـل = بوصوفـك اتعبـت خلـق الله وشغلتهـا
سوالفـك فلسفـه وشرابـك السلسبيـل = وفاللبس غير الرجـال البيـض هبلتهـا
تلبسلك اي شي ويصبح عقب لبسك موديل = كنه تصمـم علـى جسمـك مافصلتهـا
يالطف من النسمه فمبدا الصباح الجميـل = حتـى السوالـف لهـا لـذه لسولفتـهـا
اغليك بالحيل يالطرف الكسـول الكحيـل = وكل ذرت احساس فيني صوبك ارسلتها
مبطي ابي شخص ابادله الشعور النبيـل = والمشكله طحت فيـك انـت وتحصلتهـا
مارتاح فالصبح هـذا غيـر مانـام ليـل = ولا فيه حيله لوصلـك غيـر ماحتلتهـا
لو ماعيوني فبعـدك تستهيـض وتسيـل = ماكـان كـل ماتطالـع فــي نزلتـهـا
اتحمـل البعـد منـك والكـلام الثقيـل = وغيـرك لـو يقولـي كلمـه تثيقلتـهـا
انا صويب الزمـان العسـر والله وكيـل = جيتك بغيـت السلامـه وانـت كملتهـا
ارحم عسى يرحمك ربن بخلقـه كفيـل = وشلك بنفسـن جتـك حـب وتورسلتهـا
داخل على الله منك من الفـراق الطويـل = ان كان قصدك عذابـي فانـت طولتهـا
وان كان قصدك تبي قدرك يزيد ويهيـل = فالنـاس بتعاملـك زي ماانـت عاملتهـا
حسبي عليك الله بفعلـك ونعـم الوكيـل = هاذي هي الجملـه اللـي مابعـد قلتهـا




[/poem]