مساءكم / صباحكم .. أدب .!


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
وأنا طفل قبل السهر والتناهيد= وقبل الحزن يصبح لقلبي طبيعة
قبل أحبس الدمعة ليا طروا العيد=وقبل أسكب الدمعة بليا ذريعة
كنت أستطيع أفرح بليا مواعيد=واليوم في موعد فرح .. ما أستطيعه
ولا همني .. كان المهم أطوي البيد= وأنا بري من الهجر والقطيعه
أهدي لخلاني سرور .. وتغاريد= وأنا جروحي في خفوقي شنيعة
ولا أشتكي .. كنت أبتسم دون تعقيد=واعقد لحزني صبر .. وأشكر صنيعه
لا زلت أعشق الصح .. وأخشى المناقيد = وأبحث لنفسي في الطليعة .. طليعة
ولا زلت أحب الحب لا جا بلا قيد= وأحبه أكثر .. لا غمرني ربيعه
لا جابني سيد .. وفي حضرة السيد = اللي شرى قربي .. وعيا يبيعه
اللي عطيته من خفوقي تناهيد = وأعطى خفوقي من غرامه .. جميعه![/poem]