[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ليت المطر يومنه ينظّف القاع=ينظّف قلوب البشر من عفنها

تنظف قلوب الناس وتزين الاطباع=وتطّهر قلوب الملا من ضغنها

شفت الرجال اشكال وازوال وانواع=فيهم فئه مافيهم اشر منها

اللي تظنه مطلق حجاج وذراع=والحيه بدربٍ سريته دفنها

لو ماقرصتك تقضّي العمر ملتاع =غدر العزيز اقوى الهموم وفتنها

يومنها جهمات جداني شباع=وعلى النقاوه والمرّوه سننها

واليوم في خيرات والذيب ماجاع=وش غير نفوس الرجال ولعنها

ماني بحاجة مال ياقاصر الباع=لكنّ نفسك ردوّا الخبث عنها

الطيب لاقدّم على القرم ماضاع = والمرجله خابرك قاضب رسنها

وش جنّبك والطيب في سيرتك شاع=صقطتك قبر لمرجلتك وكفنها[/poem]