محمد صالح العتيبي

ما يحفزّني علـى بـدع القصيـده
غير هجس ٍ يعزف بصدري لحونه
أن ومرته .. جاب لي نغمه جديـده
وأن نهرته .. ما لي ولا له مهونه
الشّعر له فـنّ والشاعـر يجيـده
قالها اللي يعرف الشعـر وفنونـه
واللسان حصان وحبالـه جويـده
ولو يمدّ الشوف قمت أكحل عيونه
شايل ٍ في خاطري جملـه مفيـده
تختلط فيهـا القسـاوه والليونـه !


( قالها اللي يعرف الشعر ويجيده )

جميل جداً أن تندمج قناعة الشاعر مع قناعات جمهوره ومتابعيه ..
الكثير يعرف الشعر ، والقلّه من يجيده .. وشاعرنا هنا يعرفه ويجيده ونحن
ايضاً نوافقه في هذه النقطه وبشدّه ..

بإختصار المطلع سهل قراءته صعب التفكير في كيفيّه إستدراجه بالصيغة التي بنى عليها
الشاعر فكرته ..



دارنا لا جاب عيده .. عـاد عيـده
يا عساه بخير مدري ويـش لونـه
ما نكابر فـي المواثيـق الوكيـده
عقب عشنا من وراه .. نموت دونه
ولا نقص منّا الولاء حتـى نزيـده
سلّط الله فـوق نـاس ٍ يجحدونـه
الولـد مطنـوخ والشايـب وليـده
كلّنا نمشي علـى نفـس النمونـه


نظرة مختصره .. لوأراد الشاعر الإطاله فيها لإحتاج لمقالات شعريه في كلٍ بيت من الأبيات السالفه ..



زادت أخباره على صـدر الجريـده
كل بادي شمـس علـم ٍ يذكرونـه
سلطة التنفيذ نشبـت فـي وريـده
وسلطة التشريع زادت من غبونـه
بيـن الأورام الخبيثـه والحميـده
أفطنـوا للقلـب لا تستأصلونـه !


تشخيص لوضع سياسي تُخشى نتائجه ..

مجلس الأمّه لقى فرصـه سعيـده
وأنطلق بالفرصـه يسـددّ ديونـه

بيت ذكي جداً .. يحمل أمرين .. لايمكن أن يخالفهما أحد ..

راحوا النوّاب مـع طـقّ الحديـده
كل نايـب ينقـز وينفـض متونـه
أزهموا ريّس حكومتنـا الرشيـده
وان حضر .. من حقّهم يستجوبونه
المنصّـه جاهـزه للـي تصـيـده
ومن تعلا ّ فوقها يعـرف زبونـه


إقترب الشاعر من الوضع بواقعيه ..

التجاوز فـي المشاريـع العديـده
جرّت الصفقـات بحبـال المعونـه
بين عقد ( الداو ) والبنك ورصيـده
تفتحـون الـبـاب وألاّ تقفلـونـه
عقب راحت بينكـم مثـل الوقيـده
تهتفون مـع النظـام وتكسرونـه


ياسلامي عليك يالدكتور .. لايمكن أن يخالفك العاقل رأيك ..



الحقايق مـا بقـى منهـا شريـده
من يعوض الشعب لا ضاعت ظنونه


تساؤل في محلّه !! ولكن من يملك حق الإجابه !!



والمصالح بيـن هـارون وزبيـده
حدّهـا مـا ينقـرب لا تقربونـه
حرمة الدستور في عيشه رغيـده
يسلم الدستور والحرمـه مصونـه
لو نشـرّع بيننـا حكـم العقيـده
راحت الدقـن المحنّـاه محسونـه
مشكله وحلولهـا ماهـي بعيـده
أبشروا بالحلّ يا اللـي تحترونـه !



ايوالله ابشروا بالحل ياللي تحترونه !




القصيدة بشكل عام .. نظرة سريعه وإلتقاطات متفرقه لأهم الأمور السياسيه التي عصفت ولازالت تعصف في الكويت ( حماها الله ) ..


في الآونه الأخيره .. الكل يتحدث عن أمور البلد بشكل تفصيلي في مقالاته وندواته ( ومناظراته )
هنا .. كل شي مختصر يحمل خلفه تفاصيل كثيره وعديده .. حيادية وإتزان وشعر يطرب ..



سداح .. تشرفت بسماعها وإختزلت تعليقات جمّه حولها ربما خانني التعبير في تلك اللحظات ولكن الأكيد أن ( أحتري ) وصولها في مطار الشعبي ..


لله درك من شاعر .. وصح لسانك وفكرك ..

،