سعود ناهض الرويس

وين أنت ياللي كلما دورت لـك بيـن الضلـوع
ما عيّن الا جـرة أقدامـك ورسـمٍ مـا محـى
وين أنت غبت وطالت الغيبة وأنا قلبـي جـزوع
والعمر تطوية الليالي والرحـى فـوق الرحـى
تعال شفني كلما تطري علـي وسـط الجمـوع
ما كني الا موجس الدمعه وصـد ابهـا سحـى
الله يبيحك ما تركـت العاشقـك غيـر الدمـوع
اللي تهد عـزوم عطـران الشـوارب واللحـى
تطري علي وحيي عليك الليل وتضوي الشمـوع
وضم طيفك لين يصحى كل عـرقٍ مـا صحـى
هذي طيوفك لا ضوت تحيي عروقـي يالقطـوع
وشلون لا من شفتك مسير علي عنـد الضحـى
يا لذت الدنيا بما فيها مـن اسمـأ كـل نـوع
ياحلمي اللي باقيٍ لـي مـن حلومـي مانتحـى
بعيش في رجوى اللقا والليـل يتـلاه الطلـوع
وباموت ورسمك من ورى عوج المحاني مامحى


الله الله الله

مبدع لله درّك والله لايضرّك

شاعريّه تستحق المتابعه والاعجاب

صح لسانك واعتلا شانك ولا هنت