بدون مقدمات نص متواضع ارجوا له القبول ..

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ايه بالله يا حبري ويا دفتري = احصد احساس شعري شعر ماهو شعير

لين رمح الهموم اللي يفج انحري = ينثني مثل ما تثنى رقبَة البعير

من عرفتك وانا قٌلي يجيب اكثري = انت تصنع مصير ولا تحدد مصير

مذنب" بي وانا مذنب لو اني بري = وعقب الشاعر اللي ما يثار ويثير

ياعطش هاجس الابداع وش تحتري = دام حبلك طويل وجم بيرك غزير

بلل اهل العطش ما بلل البحتري = من يباس الورق ولا ما بلل جرير

شاعرك لو تفاقرته وربي ثري = قل البيت الغناه من الفقر يستنير

في زمان" يعري ساترين العري = كم يصغر كبير وكم يكبر صغير

وآتعوذ بخلاقي وغض ابصري = لا تطاول على شم الجماجم قصير

علم الوقت لو حاول يقص اظهري = والله اني ما نوخ له ولو وش يصير

وطل فكري من الشرفه ومد انظري = وما نقطع لين شاف المنقطع فالنظير

ومر بيت" على بالي وجاب اخبري = صاحبه والله انه ما كسب في خير

( انت عايش حياة اصغر عيال الثري = وانا عايش حياة اكبر عيال الفقير )[/poem]