[align=center]


.. بسم الله ..




اخواني واحبتي الكرام .. قصيده من عيون الشعر .. احببتها لجمال الصور الابداعيه بداخلها .. ولجزالة صاحبها ..



قصيده لآخي المبدع الشاعر / نايف بن عناد






[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يامن على سنة نبيه هداني=آمنتبك ياخير هادي و معبود
يامرسل محمد بسبع المثاني=ويامن على امره يثمر دقيق العود
خلقلت بين الناس هادم وباني=وميزتهم بالعقل والنقص والزود
احدٍ ملك فالطيب صك وضماني=واحدٍ تديره للردا هبة النود
واحدٍ حظوظه وصلته الاماني=وجاته على مايهتوي دون مجهود
احدٍ يجض وعلته فالمحاني=(ولاهوب فالواقع من الهم موجود)
واحدٍ شكا مستوهمٍ ما يعاني=ويقول انا حضي من الوقت مقرود
ماتنجي الشكوى من العدل جاني=ولاتصنع البندق رصاصه وبارود
ياكثر ناس يشتكون الزماني=وهو لوشكا منهم تصدعله الطود
ناس تبي من فبركتها الحساني=والله خلق في خلقه لخلقه شهود
بالعزم نرفع للسحاب المباني=والهون ماله مزن وبروق ورعود
وانا حمد الله قانع بما عطاني=وسيفي ليا احتجت بيمناي مجرود
وان بانت اسرار الردي والجباني=سري عليه حصون وقفول وسدود
للحبر خط وللقصايد معاني=ولهوب لازم يتضح كل مقصود
درب النقا يفرق عن المزلقاني=ولا يحسب الطارد من حساب مطرود
ومال الحصان مشابه الا الحصاني=والمرجله ماهيب للاش والخود
والكذب ما اثر فالجنوب المتاني =والصدق في ربط العلاقات مشهود
وان بابعو الخواه قصار اليماني=لي مع هل الطاله مواثيق وعهود
من فضل ربي ماصحبت الهداني=ولانيب من يستبدل البيض بالسود
انا رفيق معربين المجاني=اهل النبا والطيب والمد والجود
اللي لهم قدر و مقام ومكاني=بين الرجال مشبب العمر والعود
اهل العلوم الوافيات السماني=اللي لهم ذكرٍ مع الناس محمود
واللي علومه من علو للطماني= ماله مع حدودي مداخيل وحدود
الدانيه يصقط لها كل داني=والكايده يسعاله عاشق الكود
واللي بتفاق الحكاي رماني=لاصايب غايه ولا كاسب فود
كرمت عن ردعه ويكرم لساني=لوروج هروجه منافق ونمرود
يقنص بعين الاش قدري وشاني=ويطيب فعيون الرياجيل ويزود
تشهد لنا الايام والعمر فاني=والناس فالدنيا مصادير وورود
في حكمة الخلاق قاصي وداني=نحزن على ميّت ونفرح بمولود
دنينا تعرض افلامها بالثواني=ابها تفيق عقول وعقولٍ رقود
احد عن المله سلك خط ثاني=واحد على السنه من اسلاف وجدود
والاخره ياهل البواخرمواني=للشر مردوده وللخير مردود[/poem]


وسلامتكم ..


،
،
،[/align]