الصاحب اللي فاقدينه من شهور"="يمشي ويقطع في حبال العلاقه
واليوم حبل الوصل ملوي ومبتور"="ومن البطا صارت منونه دقاقه
ماهو على الاقفاي والهجر مجبور"=" هجر الخوي من عير سبه حماقه
حتى ولو جايه خطا منه وقصور"="للحق في عرف الكريمين طاقه
الا ليامن صار منهي ومامور"=" تصير شرهاته على عظم ساقه
واللي عطاه الدور مايتقن الدور"=" ماهو جمل يشعب ولا هوب ناقه
ليت السنام اللي على غارب الثور"="يعرف مقامه قبل يعرف مذاقه
ذكرتني بيتن يردد ومشهور"=" بيتن مثل عطرن على اطراف باقه
(من لايشيرك لاتبدي له الشور"=" ومن لايودك سعد عينك فراقه)
|