لاهنت يا راسـي ولا هنـت ياقلـب
يبقا مقامـك عالـيٍ فـي عيونـي
ان اعتذرت الطيـب دلاّنـي الـدرب
وان ابتعـدت الـعـز لا مايهـونـي
يومك اخذت المسأله مسألـة حـرب
انا الوفـا والطيـب كـم علمونـي
ان السماحه خير من كـذبٍ وسـب
وآخيـر مـن شـرٍ تقفـاه دونـي
وشلون وجه الصدق ايشوهه كـذب
كذّبت كلي صـدق مـن صارحونـي
كنت أحسب إنك غير عن باقي السرب
واثرك شبيه السرب شكـلٍ ولونـي
لا واحسايف طـاري الحـب ياحـب
ضيّعت قدرك بين زحمـة شجونـي
حصّلت باسم الحب ناس ٍ تبي لعـب
إحساسهـم بالحـب شـك وظنونـي
مرضا النوايا مالهـم بالزمـن طـب
يبقون مرضـا ليـن مـا يدفنونـي
ومادام نور الحق مـا يحجبـه ذنـب
ماهمنـي لـو انـهـم عذربـونـي
انا انكسر؟؟ هذا على مثلهم صعـب
أنا علـى متـن السحابـه لحونـي
وانـا اذا أخطيـت استغفـر الــرب
رحْمته غطّت كـل أرضـي وكونـي


اختي وجد
قصيده معبره وابيات راقيه تسمو الى الشعر الحقيقي
انا نسخت القصيده كامله لاني مالقيت بيت افضله عن الباقي لان القصيده بكاملها ابدااااع راقي

صح لسانتس وفكرتس العذب ولاهنتي على الابدااااااااااع