منتديات المرقاب الأدبية - عرض مشاركة واحدة

01-03-2009, 10:48 AM

المشاركة الأصلية كتبت بواسطة خالد الحصيّن

ابو صالح .. اعصب راسك

وسم بالله
بسم الله الرحمن الرحيم

من خلال تصريحاتك .. هاك :-

2- قناة المرقاب لم تأخذ من المرقاب الا الاسم !

معنى كلامك انك غير موافق على ما يعرض على شاشة المرقاب او لديك تحفظ على سياسة القناه
وبالمناسبه .. هل هناك ما يمنع ظهورك على شاشة المرقاب ؟
لا ليس معنا كلامي حسب مفهومك يابو فيصل قناة المرقاب مثلها مثل غيرها من القنوات الثانيه من ناحية البرامج اللي تعرضها على شاشتها ولكن بما انها تحمل اسم المرقاب والمسمى اساساً لـ المنتدى , والمنتدى فيه اعضاء قام وتأسس عليهم منتدى المرقاب واعطوه من اوقاتهم وتواجدهم وجهدهم وابداعهم في كل المجالات الشعريه مالا اخذه المرقاب من غيرهم ولاشفت لهم تواجد في القناه .. مدري وش الاسباب ؟
اتمنى من المسؤلين في القناه الاهتمام بالاعضاء اللي خدموا المنتدى طوال عمره والاستفاده من ابداعاتهم وكذلك ربط القناه بالمنتدى مثل ما ارتبط المسمى وهم المستفيدين

وبالمناسبه .. هل هناك ما يمنع ظهورك على شاشة المرقاب ؟

لو انك وجهت السؤال هذا لصاحب القناه والقائمين عليها لوجدت الجواب الشافي اللي يغنيك عن كل كلامي اللي قلته !

5- هذا العضو مصيبه !

اكفنا شره .. بالله منهو ؟ وليه ؟
عبدالرحمن حمد العتيبي
لانه مبدع

6- لولا بعض اعضاء المرقاب تركت المرقاب !

شوف سالفة انك تترك المرقاب .. انسى !! تدري ليه لان والله لو ما يبقى من المرقاب الا انت انك ما تتركه .. ولكن
منت مجبور على الحلف يابو فيصل !

هل افهم من هذا التصريح .. انك من اصحاب الشلليه او لك قروب على ما قالوا ؟
لاشلليه ولا قروب ولكن نشاما ورجال بمعنى الكلمه وفي الشعر شعراء مبدعين اذا بحت عنهم وجدت كل ما يروي ذائقتي واذا تتبعت ردودهم وجدت المتعه ولولاهم ما استمر المرقاب مثل منت شايف مع العلم ان بعضهم ماتربطني به اي علاقه خارج المرقاب

وبالمره قبل انسى .. منهم هالاعضاء اللي وجودهم مهم لك ؟
انت من ضمنهم

7- قصايدي الغزليه بعيده عن الخيال !

شوف التصريح هذا راح يزعل عليك ناس واجد .. من اول يحسبونك (يا بلفيت) واكتشفوا انك (امحوووق)
فعلاً الحقيقه احياناً تزعل ولكن تبقا حقيقه

سؤالي / هل يعيب على الشاعر النسج من الخيال ؟
بالنسبه لي انا اعتبر الخيال البعيد عن الحقيقه كلام فاضي ومايتعدا لسان صاحبه لذلك مايصل للآخرين خصوصاً اذا حاول يتغزل !

8- هذا الشاعر مبدع جداً !

بناءً على ثقتي بـ ذائقتك .. اقول يستاهل .. بس عرفنا عليه ؟
اخي وصديقي العزيز / المسري

9- المواهب ابداع والشعبي يجيب الصداع !

الشاعر هو هو .. والقصيده هي هي .. لو انه يحطها فالارشيف ولكن آمنا بالله .. طيب يوجد عيب فالشعبي
الشاعر اللي هو هو .. والقصيده اللي هي هي .. وذولا اللي هم هم .. مايعرفون في المرقاب الا الشعبي ويرون ان المواهب للمبتدئين , مما جعلهم اذا نظم احدهم قصيده حتى لو انها تدبل كبد اللي يقراها جابها وحذفبها في الشعبي وهذا من حسن حظ المواهب

وميزه فالمواهب .. من وجهة نظرك اين تجد الخلل فالشعبي وهل هذا الخلل / فني والا إداري والا تنظيمي .. والا ماغير سمعت الناس يقولون كذا وسويت مثلهم
حلوه سمعت الناس يقولون
الخلل في لجنّة التسجيل

11- قصائد ناصر الاحمري كيف ومدري كيف !

لك مطلق الحريه بتفصيل هذا التصريح تفصيل ممل ، وان قال لك ناصر شي
قله من طرف الحصين بس
ابو يحيى شاعر مبدع ولا يختلف على شعره 2 من اهل الشعر الصحيح وانا اعتبر قيصيدته كيف اكيّف مزاجي معها اذا قريتها
واللي يقرأ قصيد ناصر الاحمري ويكون ادراكه واستيعابه اقل من انه يستوعبها ويدرك ماتحمله من ابداع هذا يقول مدري كيف لانها تتعبه وتبلشه

12- بعض قصائد الشعراء في المرقاب مثل الوجبات السريعه !

وصف ممتاز جدا .. انا اعرف قصدك
لكن ياليت توضح للجمهور الكريم وجهة نظرك مع ذكر الاسباب
نعم بعض القصايد الكيبورديه يكتبها شاعرها من باب اني كتبت قصيده جديده بوزن وحبكة قاف حلوه لكن موضوعها مش ولا بد يعني اذا قريتها مره وحده ماترجع لها المره الثانيه ويقول كيبورديه مايمديه يعيش جوها على شان يعيشه معه اللي يقراها وانا ضد الشي هذا

14- انتظروني في ميادين المحاوره !

اتمنى ذلك .. ولكن هل تملك جميع مقومات شاعر الميدان ( غير الشعر )
نعم ولله الحمد
وهل لك تجارب ميدانيه ؟ ومع من كانت .. واذا حافظ شي من الطواريق .. ياليت تمتّعنا متّعك الله
بالصحه والعافيه
بتشوفها في ميادين المحاوره ان الله اشاء واراد

16- فيه اعضاء (2×1) !

اذا كان التصريح هذا / هو نفس ما فهمته .. فـ اعتقد انه من اقوى التصاريح
افصح يا فتى
نعم فيه اعضاء ومدري كم عضوه يمتلكون عضويتين في المرقاب اعرفهم وهم مايدرون اني ادري عنهم يغيب بأسمه الحقيقي ويتواجد بأسمه الثاني وبأسمه الثاني يحتك بأسمه الحقيقي بردود وثناء على قصيده او بأشياء اخرى وهكذا ووضعه ماشي على مايرام

17- الساحه الشعبيه من جرف في دحديره !

على فكره التصريح هذا .. ما عمري فتحت جريده والا مجله والا لقيت لي لقاء مع احد الشعراء في اي وسيله اعلاميه
الا والتصريح هذا مرتكز قدامي .. سؤالي / بغض النظر عن مصداقية ما صرحت به
برأيك .. لماذا اصبح التهجم على الساحه الشعبيه مثل الموضه
وكل يوم وهي من يد نشيط في يد نشيط ؟

التصريح هذا قريته قبل فتره في مجله من المجلات وسمعته في بعض القنوات من بعض الشعراء وكثير مايمر علي الكلام هذا وحطيته من ضمن تصاريحي على شان اعلق عليه
واقول ان الساحه الشعبيه من زود في زود ولا فيها مايشوبها ومستمره طالما ان الشعر موجود
امّا صاحب الشعر اللي من جرف في دحديره فـ الله يرفع عنه ولا يبلانا ..

ويمكن ارجع !!

مرحبابك