يا بحـر جيتـك والعلـوم أكبـار
تخفى عن أعيون العمي والعـور
ما جيت لك وأنـا قصيـر أشبـار
جيتك مصبح يـا صبـاح النـور
جبت لك من جزل الكـلام أنهـار
وأن ضقت من بعض الحكي معذور
أنتـه بحـر والبَحْـر مالـه ثـار
ألا مـن أشبـاه الـدرر والحـور
اللـي نسايمهـم تشـب الـنـار
فالمفتـرق بيـن الحلـل والـدور
ما عاد بصدور الرجـال اسـرار
عشانهم صاروا بـدون أصـدور
والغيمـه اللـي سيلهـا مـدرار
تطلع على وجـه النقـا وتغـور
مـن حولهـا علامـة أستفسـار
غيبة شهـر ولا غيـاب أشهـور
يا بحر والله مـا عليـك أغبـار
سدك منيـع ولـو مالـك سـور
أنته ونيس أهـل الوفـا والكـار
وانته صديق الشاعـر المشهـور
اللـي ليـا حـار القـدم وأحتـار
أرسل عليك من الهجوس أسبـور
لـوك بـدار وشاعـرك فـي دار
لكـن عنـده فالخيـال أبـحـور
شاعـر بحـر وينافـس الشعـار
بالشعـر والا بحامـلات الـكـور
لو كـان ماحصّـل مـع التجـار
فالوقـت هـذا لـو شهـادة زور
مـا يعتـرف بالليـل والسـمّـار
ولا مـر لا لجنـه ولا دكـتـور
على أنه أقوى من حديـث النـار
بين الخـلا والمنـزل المهجـور
وأنته بغيت اخبـار جتـك أخبـار
وان ضقت من بعض الحكي معذور
ياسلام ياسلطان
قصيده رائعه بحق
صح لسانك
سجل الاعجاب والمتابعه
ودي وتقديري
....
|