لو جفّت / دموع المعاني و الأقـلام
وصمت على صوت الحقيقه لسانـي
اليـوم أودع عـام / لا والله آعـوام
وأرمي على الذكرى .. حديث المحاني
لو الزمن -{ يمضي على سير الأقدام
حسبت خطواتـي و خطـوة زمانـي
لكن : رحيله يطوي النـاس بالخـام
ويسكن أصحـاب المبانـي ، مبانـي
العام ، يعرض لي مثل عرض الأفلام
بآهاتـه السـوداء ولـون التهانـي
آذكر تفاصيلـه علـى مـرّ الأيـام
باليوم ، لا والله بنبـض .. الثوانـي
لو علّم البائـس فضـاءات الأحـلام
وعلّق على صدر الغريـب الأمانـي
عند الموادع يشتهـي دمـع الأيتـام
عين الوحيد اللي فقـد عمـر ثانـي
ملتاع ، ومتيّم ، ومغرم ، ومنضـام
يحب حبّـه ، حـب نفـس الأنانـي
أنكر مقامـات الموسيقـى والأنغـام
ولحّن على مذهـب شقـاه الأغانـي
رسى على شطّ الأمانـي والأوهـام
ومراكبـه سـارت بليـا مـوانـي
بقى غريبٍ يستمع صـوت الأنسـام
ماله وطن غالي ، ولا لـه مكانـي
لو جفّت دموعه وروحـه والآقـلام
ما جـف جـرحٍ تحتويـه المحانـي
لكن : عفى الله عن سبب كـل الآلام
ولا عاد .. باقٍ للمشاعـر / معانـي
لله در الشعر و الشاعر
لله در الشعر و الشاعر
لله در الشعر و الشاعر
|