انا أقف هنا بـ راكب اللي ضدكـ ياسلطان بعض اللي تبدأ برااكب اللي افضل بكثير من بعض القصائد فخذ عندك

راكب اللي حسها تسمعه من كـل صـوب000مثل زلزال الرعد فـي المـزون المظلمـه

كنها يـوم استـدارت وضاقـن الـدروب000فرخ شيهانٍ على الطلع ينهـض مقدمـه

لـ سلطان الهاجري

راكب اللي لا شتغل جاء لشكمانه هدير

والتواير لامشى تظهر الخد الثرى

لـ غازي بن عون

ياراكب اللي لا عطى تختخ الجوب

قامت قزوزاته تقانب تقناب

تفاجح الشاصين والبدي مصلوب

أحمر على أسود من تحت نصف الأبواب

الكشن مخمل والدركسون معصوب

ومثبت السرعة وازرة لسطاب

لـ شباب السبيعي

راكب اللي كنها البرق في عرض النصوب = دارب من مسرى الليالي عليه ملعمه
بكره كن خف يدها على الزور مغصوب = لا عقلها اللي عسيفه مهيب مخزمه
وان تساوت واستعدت لها وصف عجوب = كأنها تأدي القسم عند قاضي المحكمة

لـ ضيدان بن قضعان

يا راكب اللي لا مشا يسبق البـــــــــــــــــاز +++ جمس جديد وجاهز للمغازي

آخر موديل وصانعينه على طــــــــــــــــراز+++ ومجهز يالقرم بأحدث طرازي

مشروبه اللي بالمحطات ممتـــــــــــــــــاز +++ مايشرب اللي مخلط فيه قازي

لـ الرسلاني

راكب اللي صممته الولايات=اللي مريكا بالمصانع تصبّه
تصميم شركة كلاهان الخواجات=ومورده من نيويورك ومصبّه
أكبر مكينه صقّطت بالونيتات=خمسه صفر واحد دبه ودبّه
مايصدر إلا عن طريق الوزارات=اللي مديرها حلف وعاهد بربّه
وخذته الواصطة بكل الوسيلات=وقيل ياسواقه اخذه وظبّه
ازهم تراه مخصصاً للقطاعات=نوع سبشل ماكل خبلاً لعبّه
ولما فتح بابه وعطوه السبيرات=شغّل وللماء مع قزوزة يصبّه
قام يتسمّع وش تقول القزوزات=ليهي تقول أبغاك مامه وببّه

سعد بن جدالان الأكلبي



هذا راكب اللي يابوساره الللي مايعجبكـ يعني إنظر الى الشعراء الكبار وإترك اهل القصات

يعني ماانت مجبور تشاهدهم

دااش بعنف

يقولون ومن الحب ماقتل يابوناجي