[align=center]السلام عليكم ورحمة الله وبركاته

مشاركه اولى في قسم المواهب...[/align]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

ياسنين الصمت ياسجن الكلام=اتركي لي بالمسافه حلم ليل
يمكن الفرحه تجي ساعة منام=نجمة ٍ تضوي لي الدرب الطويل
وان طلبت الوصل يابدر التمام؟؟=انثنى من دونك الجدي وسهيل!
غربوك؟ ليا متاهات الظلام=وغربوني بالطريق المستحيل
من تجاذبنا سوى سلك الغرام=صارت اصغر مشكله (وين السبيل)
ياأمل صامد بوجه الأنعدام=لاتموت ان مت ماجالك بديل
مادروا باأنا سقيناك الهيام=من كثيره قلت يكفيني قليل
موتوا وردك ولا قالوا حرام=موتوها من ورى المد البخيل
ياسنين الصمت قلبي مستضام=من تجرعت المراره سلسبيل
ابعدوها شرق يوم ابعدت شام=عذرهم واهي وانا عذري ثقيل
لو كواكبنا على حسب النظام=ماتناست ارضنا شمس الاصيل
سيرة الاحباب دايم في صدام=قدرها عند العرب زند وفتيل؟!
احرقوها واحرقوني بالملام=لين مات الجذع وعروقه دليل
ليتني وضحتها بين الزحام=كلمة ٍ لاجل الخليله من خليل
ياغلاي اسف لحال الانهزام=لو يفيد العذر وش عاد الحصيل
كيف شالوا بالردى عنك اللثام=والتزمت الصمت ما فاليد حيل
جرحوك وبعثروا حال الوئام=والغلا عالي كما روس النخيل
ياسنين الصمت ماباقي كلام=غلطتي عشت المحبه حلم ليل!![/poem]