|
ضاع الجمل والحمل والجمّال
[align=center]
هزيت غصن الذكريات ومال
عمري لــ حلمٍ ما لقى تأويل
أجمل سنيني عشتها رحـــّال
يا ضيعة أحلامٍ بلا تحصيل
أتعبت نفسي والحمول ثقال
وما بين دجلة ضيقتي والنيل:
ضاع الجمل والحمل والجمـّال
ما بين احط حكايتي واشيل
يا دمعتيني .. والتعب همــّال
اللي تبي منكم تسيل ! تسيييييل !!
أدري صعيبة دمعة الرجّال
لا صارت جروحه هي المنديل !
الله يسامح مستريح البال
يضحك وصبحه في عيوني ليل
يا صاحبي .. ما عادها الآمال
تثمر ولا لاسبابها تعليل
صبيت ياسي وامتلى الفنجال
وقهويت عمري والجروح الهيل
ضربت باكبر حزني الأمثال
وما للمواجع وجه للتجميل
ما كل شيٍ ينعرف ينقال
والمختصر يكفي عن التفصيل
المرجلة ماهيب راس المال
في هالزمان المرجلة : تطبيل[/align]
|