[align=center]على نفسك جنيتي يابراقش [/align]
[align=right]عجب ..
تلميذك الفاشل نجب..!
تلميذك الفاشل يا ابله .. اللي تقولي عنه ابله ..
فاقك وصرتي بعينه هبله ..!
يا للغرابه والعجــب..!
[/align]
[align=center]
منك تعلم كيف يجفى .. كيف مايدمح ويرفى .
كيف لآ غرقوا في بحره ..!
مايدفهم موجه لمرفى.
[/align]
ودع زمان العاطفه .. والنسمه المتلاطفه ..
ووردٍ جرح سقايه ..
واهدى عبيره لقاطفه .
[align=right]واستقبل العصر الجديد .. عصرٍ تسيد به العبيد ..
قاعدته دايم مايفل ..
صلب الحديد الا الحديد .[/align]
[align=center]
درسك يا ابله ..
في فضا الافكار ناقش ..
اطبقه ..
من دون لآ اتردد واناقش ..
وانتي ..!
ضحية حفظي لدرسك يا ابله ..!
يعني ..؟
على نفسك جنيتي يا براقش
...
يعني على نفسك جنيتي يا براقش ..![/align]
|