مخايل

[poem= font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
خذتني في عروق التـّوت وازهـر فالحشـا مربـاع = وصــرت اول مسـيـّر فــي مرابعـهـا ومهجـتـهـا
لقتنـي قلـب يلفـظ اخـر انفـاسـه ورى الأضــلاع = حبـس عنـه الـظـلام انفـاسـه الخـضـرا وجابتـهـا
وشالتنـي علـى كـف الغـلا واثـر القـلـوب جـيـاع = واثرهـا قـد بنـت لـي قصـر مـن مرجـان جوّتـهـا
نصبـت اعجابهـا وسـط المحانـي والعيـون وسـاع = ابـات الليـل واصحـى مـن هـواهـا فــي مرايتـهـا
امسّيـهـا بنـظـرات الـغـرام وضـحـكـة الـمـرتـاع = واصبّحـهـا بـحــرفٍ ينـتـشـي ويـجـيـب قامـتـهـا
ليـا مـنـي لفـيـت تـحـدّق عـيـون الـولـه باشـبـاع = ولا مـنـّـي قـربــت اكـثــر تلخبـطـهـا ارتباكـتـهـا
كـلام عيونهـا روّض جموحـي والضمـيـر الـتـاع = ونبضـات الخفـوق اتوالفـت مـع صـوت مشيتـهـا
ثنيـت عذوقهـا لاجـل الـرطـب والادمــي طـمـاع = ثنـيـت غـرورهـا فـــي كـلـمـة احـبــك وقالـتـهـا
حقـيـقـه والمـحـبـه شـــي لايـشــرى ولا يـنـبـاع = رمتنـي فــي بـحـور العـشـق مــن سـبّـة محبتـهـا
وانـا قلبـي يـواجـه مــن يواجهـنـي بــدون قـنـاع = وعيـنـي مـــا تـنــام ولا تـنــام عـيــون شافـتـهـا
وش اوصف ويش اخلي من وصايفها حرام امتاع = يـغـار الشـهـد والسـكـر وقـلـبـي مـــن حـلاوتـهـا
انـا لـن سلهمـت بعيونهـا ذقــت اجـمـل الاوجــاع = وانـا لـن غيّبـت حـاجـة عيـونـي رحــت ساقتـهـا
عليـهـا جــوز عينـيـن وحـواجـب وابـتـرٍٍ قـطـّاع = ورمـوش عيونهـا يانـاس مــدري كـيـف شالتـهـا
شعرهـا لـيـل للـيـل الطـويـل وصبحـهـا خـضـّاع = واحــس ان النسـيـم ذنــوب تـثّـر فــي طهارتـهـا
حَـمـار خـدودهـا نــار ابتسامتـهـا ظــلال ابــداع = وضحكتـهـا نـغــم فـنــان يطـربـنـي بضحكـتـهـا
شفايـفـهـا كـــلام العاشـقـيـن وريـحــة الـنـعـنـاع = عسلـهـا ريــق صـافـي والنـحـل مـرعـاه شفتـهـا
سوالفهـا عصافيـر ورخـت لاجـل الكـلام اسـمـاع = جسـدهـا والحـريـر اخــوان والإنـصـات ميزتـهـا
دمــيّ عروقـهـا تــوت وعبايـرهـا ثـمـان انــواع = نفسـهـا زعـفـران وصـدرهـا روضــة برائـتـهـا
ظهرها خيزران وخصرها ياناس عرض اصبـاع = وتـــراب اقـدامـهـا هـيــل يتـمـنـى دقّ خطـوتـهـا
انـا مــا لامـنـي فــي حبـهـا الا جـرهـدي طـبـاع = عذلـنـي يــوم بعـثـر فــي إنتـصـاراتـي ولمّـتـهـا
فداها مـن زهـور العشـب فـي قلبـي ثـلاث اربـاع = ولا ابغـا مـن زهـور اعشابهـا الا فــي قصيدتـهـا
وتاخذني عـروق التـّوت وازهـر فالـورق مربـاع = واخــطّ اول حــروفٍ فــي مرابـعـهـا ومهجـتـهـا[/poem]

لــ فيصل السواط ..

المرأة تبقى. مرأة
ومن تقول انها لا تحتاج إلى رجل في حياتها.
فهي. كاذبه.
أو لم تكتشف هذي الحقيقه إلى الان. ?.